2 Timoteo 2:26 - Biblia Guarani Tumpa Iñee

²⁶ jare ojoyepe vaerä aña guasu iñuai güi. Echa pɨpe ñogüɨnoi oyapo reta vaerä aña guasu jemimbota.

Nuevo Testamento Guaraní Pe

²⁶ jare oñeandu vaera, oyeepɨ vaera aña guasu güi. Echa maemɨmba yaipɨɨ ñovai pe rami, aña guasu oipɨɨ reta, jae reta oyapo vaera aña guasu jemimbota.

2 Timoteo 2:26 ပူးပေါင်းရင်းမြစ်များ

JOB 1:12

YandeYa jei Satanás pe: —Mase, ko oï ndepo pe opaete mbaembae reta güɨnoi vae; ërei chupe etei agüɨye mbae eyapo. Jare Satanás oë ojo yandeYa jóvai güi.

JOB 2:6

Jare yandeYa jei Satanás pe: —Mase, ko jae oï ndepo pe, ërei chupe etei agüɨye mbae eyapo.

SALMOS 124:7

Yanderekove güɨroasayepe iñuai güi, güɨra ojo yepe omaepïaro vae reta iñuai güi rami; ñuai oso jare yande yaasayepe.

ISAÍAS 28:13

Jáeramo, yandeYa omomiarita michia raɨ rami, jaeramo etei oyemboe a, e, i, o, u jei vae re ñogüɨnoi rami. Jae reta oguatata, ërei oyatuaka retata, oñemopë retata, mbaetɨta ipuere omɨi, oa retata tembipɨɨrä.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

ISAÍAS 8:15

Jeta ipɨ̈sa-yeyukata oyepɨaka reta jese, jare omano retata; jeta oata ñuai pe vae, jare oyepɨɨta opɨta reta.”

San Lucas 11:21

Metei kuimbae ipɨ̈rata vae mboka güɨnoi vae oyangareko jëta re yave, mbaetɨ ipuere kia opɨ̈ro chugüi imbaembae.

San Lucas 15:17

Jayave ou oyemongeta, jare jei iyeupe: ¡Cheru jëta pe, omombaravɨkɨ vae reta jeta güɨnoi jou vaerä! Ërei che kuae pe cheyukata ma yɨmbɨaɨ.

San Lucas 5:10

Jaeramiño vi Simón ïru reta Jacobo jare Juan, jae ko Zebedeo taɨ reta. Jayave Jesús jei Simón pe: —Agüɨye ekɨɨye. Añave güive reikota ïru vae reta re reyeporaka vaerä.

San Juan 13:2

Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe.

San Juan 13:27

Jare Judas jou ñoete, Satanás oike ipɨa pe. Jayave Jesús jei chupe: —Eyapo voi jókuae reyapota vae.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?

1 Corintios 15:34

Pemae kavi, agüɨye peyoa. Echa amogüe pe reta mbaetɨ peikuaa Tumpa. Kuae jae peve pemara vaerä.

2 Corintios 2:11

agüɨye vaerä Satanás ñanemoamɨri, echa yaikuaa kavi ko jae iñuai.

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

1 Timoteo 1:20

körai oasa Himeneo jare Alejandro. Jáeramo amboeterenga Satanás ipo pe, oikuaa vaerä agüɨye mo jei ikavimbae vae Tumpa kotɨ.

1 Timoteo 3:7

Jaeramiño vi tijërakua kavi oporogüɨroviambae vae reta pe, agüɨye vaerä imboetea poi jare oa aña guasu iñuai pe.

Apocalipsis 12:9

Jare oyemombouka jókuae mbaeporou guasu, mboi ñɨma vae, aña guasu Satanás jee vae, jae ko ombotavɨ opaete ɨvɨ pegua reta vae; oyemombouka ara güi opaete iaraɨgua reta ndive.