2 Timoteo 2:21 - Biblia Guarani Tumpa Iñee

²¹ Jayave, amogüe oeya yave mbae ikavimbae vae, oikota tembiporu mbaemboete peguarä, ñeñono tee jare ikavigüe yandeYa peguarä, jare oïndaivita oipotagüe mbaravɨkɨ ikavi vae oyapo vaerä.

Nuevo Testamento Guaraní Pe

²¹ Jae ramiño vi yaeya yave icavi mbae vae, ñandeYa ñaneñono teeta iyeupeguara, ipuere vaera ñandeporu, o tuicha vae iya ñae ipora vae reta oiporu rami. Jare jocorai yave, ñandeYa ipuereta ñandeporu oipotagüe mbae icavi vae yayapo vaera.

2 Timoteo 2:21 ပူးပေါင်းရင်းမြစ်များ

SALMOS 119:9

¿Kërai pa taɨrusu vae ipuere oitɨo jeko? ¡Oiko yave neñee jeigüe rupi!

ISAÍAS 1:25

Amopüa yeta chepo ndekotɨ, opata aekɨ ndekɨa; rotɨota opaete ndekɨa güi.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

JEREMÍAS 15:19

Jayave yandeYa jei cheve: “Reyerova ye yave chekotɨ, che romboresive yeta, javoi ndepuere reyeokuai cheve. Mbaetɨ yave nemiari miariiño, ikavi vae reño nemiari yave, nde reïta nemiari vaerä cheveguarä. Jae reta ko yogüeruta ndekotɨ, nde agüɨye ekua ikotɨ reta.

MALAQUÍAS 3:3

Jare oguapɨta ombokavi jare oitɨo korepoti, jökoraita oitɨo Leví iñemuña reta; ombokavita oro jare korepoti rami; jare güeru retata mbota yandeYa pe jupi rupi.

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

1 Corintios 5:7

Peyetɨo mbɨyape imbovúa indechigüe güi, peï vaerä mbɨyaperä ipɨau vae oyembovumbae rami. Echa Cristo ko vecha kuimbae taɨrusu vae yandePascua pegua, omano ma yanderé.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

2 Corintios 9:8

Imbaepuere yae ko Tumpa omee vaerä peve jeta mbaembae ipɨa kavi jeko pegua, agüɨye vaerä mbae oata peve, jökorai pepuere vaerä peporomborɨ kavi opaete mbaembae pe.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

1 Timoteo 6:11

Ërei nde kuimbae Tumpa jembiokuai, etekuarai kuaekuae güi jare omomoe jupi vae, Tumpa imboete, mborogüɨrovia, mboroaɨu, mbɨaguasu jare ñemomichi.

2 Timoteo 2:16

Ërei agüɨye eyeapɨsaka ikavimbae ñee osirivembae reta re, echa jókuae ñee reta jeiete oporogüɨrajata ikavimbae kotɨ.

2 Timoteo 2:20

Echa metei o tuicha vae pe mbaetɨ oime tembiporu oro pegua jare korepoti peguaño, oime vi ɨvɨra pegua jare ñaeu pegua. Amogüe reta oyeporu mbaemboete peguarä, ïru reta oyeporu mbaemboetembae peguarä.

2 Timoteo 3:17

jökorai Tumpa jembiokuai reta, oikuaa kavi vaerä opaete Tumpa jemimbota re, jare ipuere oyapo opaete mbae ikavi vae.

2 Timoteo 4:11

Jaeño Lucas opɨta che ndive. Eeka eru Marcos nderupíe. Echa jae ikavita chemborɨ vaerä Tumpa iparavɨkɨ pe.

Tito 3:1

Emomaendúa oyeapɨsaka nderé vae reta yogüɨreko vaerä mburuvicha reta jare mbaepuere güɨnoi vae reta jeia re, jare tikɨ̈reɨ ngatu avei reta oyapo vaerä mbae ikavi vae.

Tito 3:14

Jare oporogüɨrovia vae reta toyemboe jekuaeño oyapo vaerä ikavi vae, ipuere vaerä omborɨ mbae oata chupe vae reta. Echa jökorai oyapo reta yave, oyeokuai ko Tumpa pe.

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 Juan 3:3

Jare opaete oäro oï vae reta, oyetɨo avei, echa Cristo ikɨambae ko.