2 Timoteo 2:20 - Biblia Guarani Tumpa Iñee

²⁰ Echa metei o tuicha vae pe mbaetɨ oime tembiporu oro pegua jare korepoti peguaño, oime vi ɨvɨra pegua jare ñaeu pegua. Amogüe reta oyeporu mbaemboete peguarä, ïru reta oyeporu mbaemboetembae peguarä.

Nuevo Testamento Guaraní Pe

²⁰ Erei metei o tuicha vae pe oime oro ñae reta jare corepoti ñae reta. Jae ramiño vi oime ɨvɨra ñae reta jare ɨvɨ ñae reta. Jare iya oiporu amogüe, ñae ipora vae reta oipota yave, jare oiporu iru reta, ñae ipora mbae vae oipota yave.

2 Timoteo 2:20 ပူးပေါင်းရင်းမြစ်များ

ESDRAS 1:6

Jare opaete iyɨ́vɨri yogüɨreko vae reta omborɨ korepoti pe, oro pe, mbaembae pe jare mɨmba reta pe, mbaembae ikavi jare jepɨ vae pe, jare vi opaete mbota ipɨa-kɨ̈reɨ ngatu reve omee chupe reta vae.

ESDRAS 6:5

Jaeramiño vi Tumpa jo pegua tembiporu reta oro pegua jare korepoti pegua Nabucodonosor opa güeru Jerusalén güi Babilonia pe vae, toyereraja ye tupao guasu pe Jerusalén pe, toñeñono ye Tumpa jo pe.”

ÉXODO 27:3

Opaete mɨmba oyeyuka oyeapɨ jese vae pegua tembiporu reta, toyeapo jiero iyu vae pegua, tanimbu jɨru, sɨpe, tasa guasu, tätapɨi imomboa jare tätapɨi jɨru.

LAMENTACIONES 4:2

Sión pegua reta, iyemboetea yae yepi oro güi vae, añave yogüɨreko ɨvɨyapepo, oñaeu-apo vae jembiapo rami.

DANIEL 5:2

Belsasar osavaɨpo ma yave omondo güeruruka vaso reta oro pegua jare korepoti pegua, iñemuñagüe Nabucodonosor güeru Jerusalén pegua tupao güi vae, pɨpe okau vaerä jae jare mburuvicha reta, jembireko reta jare kuña güɨrekoiño vae reta ndive.

San Juan 8:49

Jesús jei: —Mbaetɨ ko aña oya cheré. Che amboete ko cheRu, ërei pe reta chemboeteä.

Romanos 9:20

Ërei nde, kuimbae ¿kia pa nde reñeengata vaerä Tumpa pe? Echa ɨvɨyapepo ¿ipuere pa iñeengeta iyapoa pe, jei: “Maera pa nde cheapo körai”?

1 Corintios 3:9

Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

2 Corintios 4:7

Jare oime rogüɨnoi mbae ikavi yae vae orerete pe, yepe tëi orerete ñaeu ramiño, oyekuaa vaerä kuae mbaepuere tuicha yae vae oime rogüɨnoi vae Tumpa imbaepuere ko, orembaeä ko.

Efesios 2:22

Cristo rupi pe reta vi peyeapo metei rami, peiko vaerä Tumpa oikoarä, Espíritu rupi.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.