2 Timoteo 2:2 - Biblia Guarani Tumpa Iñee

² Mbaembae re aporomboe jeta vae jovake vae re, eyókuai kuimbae jupi vae reta, oikatu vaerä omboe yoapɨ ye ïru vae reta.

Nuevo Testamento Guaraní Pe

² Jeta mbaembae re aporomboe jeta vae jovaque. Jocuae mbaembae reendu vae re emboe cuimbae rerovia catu vae reta, jae reta vi ipuere vaera omboe-yoapɨ ye jese iru vae reta.

2 Timoteo 2:2 ပူးပေါင်းရင်းမြစ်များ

ESDRAS 7:10

Echa Esdras oñeñono opaete ipɨa ndive oyemboe kavi vaerä yandeYa iporookuai re, jae oyapo vaerä jare omboe vaerä Israel iñemuña reta jókuae mborookuai reta re.

ESDRAS 7:25

Jare nde Esdras, neTumpa omee arakuaa ndeve rupi kavi eñono mburuvicha reta oporojäa vae reta, tëta re oyangareko vae reta, omae vaerä ɨ̈aka Éufrates jovaicho kuaraɨ oikea kotɨ yogüɨreko vae reta re; eñono opaete neTumpa iporookuai oikuaa vae reta re, jare mbaetɨ oikuaa vae nde emboe.

NEHEMÍAS 7:2

ayókuai cherëtara Hanani jare Hananías tëta guasu Jerusalén iyangarekoa reta juvicha (echa Hananías ko metei kuimbae jupi vae jare Tumpa güi oipoɨu vae, ïru vae reta güi mbaetɨ jae rami vae).

SALMOS 101:6

Amaeta jupi yogüɨreko vae re, yogüɨreko vaerä che ndive; jupi rupi yogüɨreko vae reta oyeokuaita cheve.

PROVERBIOS 13:17

Ñee jerajaa imiari kavimbae, oporombosusere, ërei ñee jerajaa jupi vae oporombopɨakatu.

JEREMÍAS 23:28

¡Metei ñeemombeúa opaɨu yave, tomombeu opaɨu ko vae; ërei cheñee omboresive ko yave, tomombeu kavi añetegüe! Mbaetɨi ko kapii oyovake trigo ndive.

LEVÍTICO 14:42

Jare togüeru ïru ita reta, jare toñono ita reta oyeekɨ vae jendagüe pe; jare toyapo ïru tuyuapo ipɨau vae oyapete ye vaerä oguambɨ pɨpe.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

NÚMEROS 12:7

ërei cherembiokuai Moisés ndive mbaetɨ jökorai, echa jae jupi rupi kavi ko oyapo opaete mbaravɨkɨ chero pe,

San Mateo 13:52

Jayave Jesús jei chupe reta: —Opaete mborookuai re oporomboe vae ipoki yae ma araɨgua mborookuaía pegua pe vae, metei o iya rami ko. Echa jae mbaembae oñovatugüe oikatu güɨnoe ipɨau vae jare indechi vae.

San Mateo 24:25

Mase, amombeu kavi voi ma ko aï peve kuae, ndei oyeapo mbove.

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

1 Corintios 4:2

Jáeramo tembiokuai ñavo ikavi ko yogüɨreko vaerä jupi rupi.

2 Corintios 2:14

Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

2 Corintios 3:5

Opaete mbaembae royapo vae oreyeugüi aeñoä ko. Tumpa güiño ko ou opaete mbaembae royapo vaerä.

Colosenses 1:7

Kuae re pemboe Epafras oreïru roaɨu vae, jae ko oyeokuai Cristo pe ore ndive, jae ko metei Cristo jembiokuai añete vae.

1 Timoteo 1:12

Amee yasoropai yandeYa Cristo Jesús chemomɨ̈rata vae pe, omae cheré jupi ramo cheñono iparavɨkɨ pe,

1 Timoteo 1:18

Cheraɨ Timoteo, royókuai tenonde yave oyemombeu nderegua rami, reñoraro kavi vaerä ikavimbae vae ndive,

1 Timoteo 4:14

Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.

1 Timoteo 4:6

Remboe yave yanderɨvɨ reta kuae re, Jesucristo jembiokuai ikavigüe ko nde, jekuae eñemomɨ̈rata ñee mborogüɨrovia pegua re jare mboromboe añete vae rupi reiko vae re.

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

1 Timoteo 6:12

Eñeraro kavi ndeporogüɨrovia re, egüɨ̈rakua tekove opambae vae re, echa kuaerä Tumpa ndeparavo. Jáeramo remombeu ndeporogüɨrovia jeta vae jóvai.

2 Timoteo 3:10

Ërei nde reikuaa katu ko cheporomboe, chereko, cheyemongeta, cheporogüɨrovia, che aropɨa vae, cheporoaɨu, chepɨaguasu;

2 Timoteo 3:14

Ërei nde jekuaeño nepɨ̈rata reyemboe jese jare reikuaa kavi vae re, reikuaa katu reve kia ko ndemboe jese vae;

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.

1 SAMUEL 2:35

Jare che aiparavota metei chesacerdoterä jupi rupi oiko vae, cheremimbota oyapo vae, ameeta chupe iñemuña oiko avei vaerä, jare oyeokuaita mburuvicha aiparavo vae jóvai ara ñavo.