2 Timoteo 2:19 - Biblia Guarani Tumpa Iñee

¹⁹ Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Nuevo Testamento Guaraní Pe

¹⁹ Erei Tumpa iñemongueta mbaeti etei oyepoepɨ. Yaicuaa cuae Tumpa iñee pe oyecuatía oi vae rupi. Echa oyecuatía oi corai: “ÑandeYa oicuaa imbae reta”. Jare: “Metei ñavo che co jae Cristo imbae jei vae agüɨye toyapo jupi mbae vae”. Jocorai oyecuatía oi.

2 Timoteo 2:19 ပူးပေါင်းရင်းမြစ်များ

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

SALMOS 1:6

YandeYa oyangareko jupi rupi yogüɨreko vae reta re; ërei mbaeyoa rupi yogüɨreko vae reta okañɨteita.

SALMOS 112:6

Jáeramo, ngaraai ogüɨapi. ¡Kuimbae jupi vae güi ngaraa iñakañɨ vae!

SALMOS 34:14

Eyembosɨrɨ ikavimbae güi, jare eyapo ikavi vae; eeka mbɨakatu, jare eiko avei mbɨakatu rupi.

SALMOS 37:18

YandeYa oyangareko jupi yogüɨreko vae re, jae reta imbae ɨvɨ oikota jekuae avei rupi.

SALMOS 97:10

Pe reta, yandeYa peaɨu vae reta, peröɨro ikavimbae; jae oyangareko chupe oñeñono tee vae reta re; jae oepɨ iyoa vae reta ipo güi.

PROVERBIOS 10:25

Kusumirou oasa, jökorai ko jeko kavimbae mbaetɨ oiko puku, ërei jupi vae oiko jekuae avei.

PROVERBIOS 3:7

Agüɨye ndearakuaa katu emae ndeyé aeño; eipoɨu yandeYa güi jare esɨrɨ ikavimbae güi.

ISAÍAS 14:32

¿Mbae pa yaeta jokotɨ güi ñee jerúa reta pe? Echa kërai, yandeYa omomɨ̈rata ma Sión, jare jae imbae vae reta matɨ rupi oiporara yogüɨreko vae reta yogüeru yeta joko pe.

ISAÍAS 28:16

Jáeramo yandeYa jei: “Mase, ko añonota Sión pe metei ita, ita oyeparavogüe, ikavi yae vae, o ekina iguapɨka, o iguapɨka okúembae, jese güɨrovia vae toiko pɨagüive.

ISAÍAS 63:19

Royu roiko, jókuae tëta nde mbaetɨi reiko juvicharä vae reta rami, jókuae mbaetɨi nderee oñeenɨia pe rami.

ISAÍAS 65:15

Peeyata peree cherembiparavo reta oyepopeyu pɨpe vaerä. Jökoraita che peYa poyukauka, ërei cherembiokuai reta ambojee pɨauta, ïru tee pe.

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

NAHUM 1:7

YandeYa ipɨakavi ko; jae ko ñepɨ̈roka, mbɨatɨtɨ oime yave: Oepɨ oñepɨ̈ro jese vae reta.

HAGEO 2:23

Jókuae ara roepɨta Zorobabel, Salatiel taɨ chemborɨa, ayangarekota nderé chepoäka-vera re rami; echa che roparavo, jei yandeYa Imbaepuere yae ete vae.’ ”

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 6:27

Körai toenɨi reta cheree Israel iñemuña reta re, jare cheporerekuata jese reta.”

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Mateo 7:23

Ërei che jaeta chupe reta: ‘Pokuaaä etei. ¡Pesɨrɨ chegüi, mbaeyoa iyapoa reta!’

San Mateo 7:25

Jayave tuicha okɨ, jare täta vi ɨvɨtu, jare ɨ jeta ou oyererokua jókuae o re, Ërei mbaetɨ oitɨ. Echa oñemopüa oï metei itape re.

San Marcos 12:16

Jae reta güeru chupe. Jayave Jesús oparandu chupe reta: —¿Kia iä pa kuae?, jare ¿kia jee pa kuae oyekuatía oï jese vae? Jae reta jei chupe: —César iä ko.

San Marcos 13:22

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta, oporombotavɨ vaerä, jare ipuereta vi ombotavɨ Tumpa jembiparavo reta ave.

San Lucas 13:27

Ërei jae jeita peve: “Che jae peve, che mbaetɨ pokuaa. Pesɨrɨ chegüi opaete pe ikavimbae iyapoa reta.”

San Lucas 6:48

Jae ko metei kuimbae jorä omopüa vae rami. Jo omopüa yave oyoo kɨ̈pe oñono vaerä iguapɨkarä ita re. Jare ɨporu ou yave, ɨ ou oyererokua tätagüe jókuae o re, ërei mbaetɨ omomɨi, echa ita re oï iguapɨka.

San Juan 10:14

Che ko jae vecha reta iyangarekoa ikavi vae. Aikuaa chevecha reta jare chevecha reta chekuaa vi.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

San Juan 3:33

Jae omombeu vae güɨrovia vae, oikuaauka ïru vae reta pe güɨrovia ko Tumpa iñee añete ko.

Hechos 11:26

Jare joko pe yogüɨreko metei año oporogüɨrovia vae reta ndive, jare omboe jeta vae. Jare Antioquía pe omboɨpɨ ombojee oporogüɨrovia vae reta “Cristo güɨrovia vae reta” pe.

Hechos 15:17

opaete ɨvɨ pegua reta chereeka vaerä, jare opaete judiombae vae reta cheree omboete vae.

Hechos 9:14

Jare kuae pe jae oime güɨnoi tupapire mbaepuere pegua sacerdote reta itenondegua reta güi, oipɨɨ vaerä opaete nderé güɨrovia vae reta.”

Romanos 11:2

Tumpa mbaetɨ ko omombo tëta imbae vae, iyɨpɨ güive oikuaa vae. Peikuaa ko ñeemombeúa Elías regua oyekuatía oï vae. Kërai Elías oyerure Tumpa pe omboeko vaerä Israel pegua reta jei reve:

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

Romanos 15:20

Jökorai, añeñono amombeu vaerä ñee ikavi vae, mbaetɨ etei oendu Cristo regua vae rupi, agüɨye vaerä amopüa ïru vae omopüa ma vae re,

Romanos 15:9

judiombae vae reta omboete vaerä vi Tumpa, jae iporoparareko re, Tumpaa Iñee oyekuatía oï rami: “Jáeramo, che toromboete judiombae vae reta ipɨte pe. Tatairari ndeve.”

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

Romanos 9:11

Ërei ndeiño oa chaguakiri reta. Jare ndeiño oyapo ikavi vae ani ikavimbae vae mbove (kuae ko Tumpa oiparavo jae jemimbota rupi oiko vaerä; mbaetɨ oiparavo jembiapo rupi, jaeño jae jemimbota rupi),

1 Corintios 1:2

romondo kuae tupapire oporogüɨrovia vae reta Tumpa imbae Corinto pe peï vae pe. Tumpa peñono tee iyeupeguarä Cristo Jesús rupi vae reta pe. Tumpa peparavo, opaete kerupi omboete yandeYa Jesucristo vae reta ndive; jae reta iYa ko jare yande yandeYa ko.

1 Corintios 8:3

Ërei kia nunga vae oaɨu Tumpa vae, Tumpa oikuaa jókuae nunga.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Gálatas 4:9

Ërei añave peikuaa ma Tumpa, ani Tumpa pekuaa ma, jayave, ¿maera pa peyerova ye jókuae mboromboe ɨvɨ pegua paravete jare mbaeä etei vae kotɨ, peñeapɨti ye vaerä pɨpe?

Efesios 2:20

pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.

Efesios 3:15

Opaete tëtara ara pegua reta jare ɨvɨ pegua reta jese oikove,

Efesios 4:30

Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

1 Timoteo 6:19

güɨnoi vaerä mbae ikavi vae opambae vae ara outa vae reta peguarä, jare güɨnoita tekove opambae vae.

Hebreos 11:10

Echa Abraham oäro tëi oike vaerä tëta guasu opambae vae Tumpa oyapo vae pe.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

1 Juan 2:19

Jae reta oë yandegüi, mbaetɨ añetete oñemoïru yande ndive ramo. Echa añetete oñemoïru yande ndive yave oimeñota tëi yogüɨreko yande ndive. Ërei oë reta yandegüi, oyekuaa vaerä opa reveä ko ñaneïru vae.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.

Apocalipsis 21:14

Jare tëta guasu ikësea iguapɨka reta doce, jare jese oyekuatía oï Vecha kuimbae taɨrusu vae jemimondo reta jee.

Apocalipsis 22:4

Jare jae reta oechata Tumpa. Jare güɨnoi retata jesɨva re Tumpa jee.

Apocalipsis 3:8

‘Che aikuaa opaete reyapogüe reta. Mase, ko añono nderóvai öke oyepea oï vae, mbaetɨ kia ipuere oyokenda vae. Echa renoi tëi michi nepɨ̈rata, ërei reyapo che jae vae jare mbaetɨ chekuaku.