2 Timoteo 2:14 - Biblia Guarani Tumpa Iñee

¹⁴ Emomaendúa reta kuae mbaembae re, jare emboarakuaa reta yandeYa jóvai, agüɨye vaerä oyoaka reta ñee reta osirivembae re, jókuae ngaraa etei ikavi chupe reta, jaeño güɨrokomegua oyeapɨsaka jese vae reta.

Nuevo Testamento Guaraní Pe

¹⁴ Emomaendúa reta cuae mbaembae re, jare eyócuai reta ñandeYa jovaque agüɨye vaera oyoaca reta ñee reta re. Echa jocorai oyoaca yave, ngaraa etei icavi chupe reta, jaeño ombojopata oyeapɨsaca jese vae reta.

2 Timoteo 2:14 ပူးပေါင်းရင်းမြစ်များ

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

JEREMÍAS 2:11

¿Kia nunga tëtaguasu oipoepɨ ra itumpa reta? ¡Yepe tëi jókuae reta ko tumpa añetembae! Ërei kuae tëta chembae chereeya, iyemboetearä aiko tëi vae, chepoepɨ reta tumpa-raanga mbaetɨ mbae ra osirive vae ndive.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 23:32

Che ayovaicho jókuae ñeemombeúa reta omombeu ipaɨu añetembae vae reta kotɨ; iñee ngatu jare iñee-yukɨ rupi oyavɨuka chembae vae reta pe. Che mbaetɨ ko ambou, mbaetɨ vi ayókuai, jayave jókuae reta mbaetɨ etei ko ipuere omborɨ opaete vae reta. Che ndeYa ko jae kuae.

JEREMÍAS 23:36

Agüɨye ye mo pere: ‘YandeYa omoërakua mbae maratuta vae’, echa kia jei yave jókuae ñee, amboyevɨta chupe jókuae jae omoërakuagüe. Echa pe reta peipoepɨ yandeYa oikove vae iñee, peTumpa, yandeYa Imbaepuere yae ete vae.

JEREMÍAS 7:8

Ërei, pe reta perovia katu yae ñee reta apu pegua re, jókuae mbaetɨ pemboyekou vae re.

HABACUC 2:18

¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

Hechos 13:10

jare jei chupe: —Aña guasu taɨ, oporombotavɨ vae, ikavimbae vae iyapoa, ¿jekuaeñota pa remboavai yandeYa jape güi vae?

Hechos 15:24

Jërakua oreve kërai amogüe orepɨte güi yogüɨraja pemoambeko, ore mbaetɨ royókuai reve. Jae reta pembojopa, echa peokuai peyembocircuncidauka vaerä jare peyapo vaerä Moisés iporookuai pe jei vae.

Romanos 14:1

Pemboresive kavi ipɨtu iporogüɨrovia pe vae, ërei agüɨye peyoaka vaerä jae ndive.

Gálatas 1:7

Ërei mbaetɨ ko ïru ñee ikavi vae. Jaeño oime amogüe pembojopa vae. Echa jae reta güɨrova ñee ikavi vae Cristo regua.

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

2 Tesalonicenses 3:6

Cherɨvɨ reta, añave poyókuai yandeYa Jesucristo jee re, peyembosɨrɨ vaerä oipotagüe oporogüɨrovia vae oikoiño vae güi, jókuae mbaetɨ oipota oiko mboromboe roikuaauka peve vae re vae.

1 Timoteo 1:4

jare agüɨye toyeapɨsaka reta arakae ndaye reta re, jare iñemuñagüe reta regua re omoërakua vae reta re. Echa jókuae mboromboe jaeño güeru yoaka reta, oporombokuakuaa vaerägüe mborogüɨrovia Tumpa re. Jökorai royókuai.

1 Timoteo 1:6

Ërei amogüe vae jopa kuae mbaembae güi, jare opia reta yoaka reteiño kotɨ.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.

1 Timoteo 5:21

Royókuai Tumpa jare yandeYa Jesucristo jare iaraɨgua jembiparavo reta jovake, reyapo vaerä kuae mbaembae jupi rupi, reporomboyoavɨmbae re reve.

1 Timoteo 6:13

Royókuai Tumpa omee tekove opaete mbaembae pe vae jóvai, jare Jesucristo omombeu kavi añete vae regua Poncio Pilato jóvai vae jee re,

2 Timoteo 1:6

Jáeramo romboarakuaa. Eñemoäta ngatu jókuae mbaepuere Tumpa omee ndeve vae re, jókuae oñemee ndeve chepo añono nderé yave vae.

2 Timoteo 2:16

Ërei agüɨye eyeapɨsaka ikavimbae ñee osirivembae reta re, echa jókuae ñee reta jeiete oporogüɨrajata ikavimbae kotɨ.

2 Timoteo 2:23

Ërei eröɨro yoaka osirivembae, echa jókuae nunga reta güeru ñoraro.

2 Timoteo 4:1

Jáeramo, royókuai Tumpa jare yandeYa Jesucristo jovake, echa jae ojäata oikove vae reta jare omanogüe vae reta, ou ye yave oporookuai vaerä,

Tito 3:1

Emomaendúa oyeapɨsaka nderé vae reta yogüɨreko vaerä mburuvicha reta jare mbaepuere güɨnoi vae reta jeia re, jare tikɨ̈reɨ ngatu avei reta oyapo vaerä mbae ikavi vae.

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

2 Pedro 1:13

Jaekavi cheve aiko vae aï ramboeve pomomae vaerä kuae yemboarakuaa reta rupi.

1 SAMUEL 12:21

Agüɨye pemboete tumpa-raanga, echa mbaetɨ ipuere oporomborɨ ani oporoepɨ echa jaangaño ko.