2 Timoteo 2:12 - Biblia Guarani Tumpa Iñee

¹² Yaiporara yave, jae ndive yaporookuaita vi. Yaikuaku yave, jae vi yandekuakuta.

Nuevo Testamento Guaraní Pe

¹² Ñandepɨaguasu reve yaiporara yave, jae ndive yaporoocuaita vi. Yaicuacu yave, jae vi ñandecuacuta.

2 Timoteo 2:12 ပူးပေါင်းရင်းမြစ်များ

PROVERBIOS 30:9

güɨramoi cherɨ̈vɨata ete yave rokuaku jare jae: “¿Kia pa jae YandeYa?” Ani cheparavete ete yave, amanaro, jare cheñeenguru ndekotɨ.

San Mateo 10:33

Ërei kia nunga vae chekuaku yave ïru vae reta jóvai, che vi aikuakuta cheRu ara pe oï vae jóvai.

San Mateo 26:35

Ërei Pedro jei chupe: —Tamano nde ndive, ërei ngaraai rokuaku, Jare jökorai vi jei opaete jemimboe reta.

San Mateo 26:75

Jare Pedro imaendúa Jesús jei chupe vae re: “Ndei takareo oñee mbove, mboapɨ ye ma chekuakuta.” Jayave Pedro oë joko güi, jare ipɨatɨtɨ yae reve oyaeo.

San Marcos 10:33

“Mase, ko yaja Jerusalén kotɨ. Jare che Kuimbaerä ayeapo vae chemeeta sacerdote reta itenondegua reta jare mborookuai re oporomboe vae reta ipo pe vae, jare jae reta jeita amano vaerä jare chemeeta judiombae vae reta pe,

San Marcos 8:38

Echa añave rupigua iyoa vae reta jare ikavimbae iyapoa reta güi imara cheré jare cheñee re vae, che Kuimbaerä ayeapo vae aromarata vi, ayu ye yave cheRu iyemboetea reve araɨgua oñeñono tee Tumpa peguarä vae reta ndive.

San Lucas 12:9

Ërei oime yave kia chekuaku ïru vae reta jóvai, che vi aikuakuta Tumpa iaraɨgua reta jóvai.

San Lucas 22:29

Jáeramo che poñono ma peiko vaerä Tumpa iporookuaía pe, cheRu cheñono rami.

San Lucas 22:30

Pekaru vaerä chemesa pe cheporookuaía pe. Jaeramiño vi penoita mbaepuere pejäa vaerä jókuae doce ñemuña Israel pegua reta.”

San Lucas 9:26

Echa kia imara cheré jare cheñee re vae, che Kuimbaerä ayeapo vae aromarata vi, ayu ye yave cheyemboetea jare cheRu jare araɨgua reta iyemboetea reve.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Romanos 5:17

Echa mano güɨnoi mbaepuere opaete vae re metei kuimbae iyoa jeko pegua, ërei omboresive ipɨakavi jare oyembojupiuka vae reta oasa ete yeta güɨnoi mbaepuere tekove pɨau pe Jesucristo rupi.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

Filipenses 1:28

jare agüɨye pekɨɨye oyovaicho pekotɨ vae reta güi. Echa kuae oechauka jae reta ko kañɨtei peguarä, ërei peve ko yemboasa peguarä; kuae ko ou Tumpa güi.

1 Timoteo 5:8

Ërei kia oyangarekoä jo pegua reta re ani jëtara reta re vae, oikuaku rami ko iporogüɨrovia, oasa ete ye ko oporogüɨroviambae vae güi.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 2:13

‘Che aikuaa opaete reyapogüe reta jare kia pe reiko vae, Satanás jenda mborookuaía pegua oïa pe. Ërei pe reta jekuaeño perovia cheré jare mbaetɨ chekuaku, Antipas chemombeu kavi vae oyeyukauka jókuae Satanás oikoa pe ave.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.

Apocalipsis 20:6

Oyerovia ko tenonde oikove ye vae, echa oñeñono tee Tumpa peguarä vae reta ko. Jókuae mano mokoía ngaraa ipuere jese reta. Jae reta yogüɨrekota Tumpa jare Cristo isacerdoterä. Jare oporookuai retata jae ndive mil año.

Apocalipsis 3:10

Reyapo che jae ndeve reyapo vaerä vae ndepɨaguasu reve ramo, che roepɨta opaete ɨvɨ pe yogüɨreko vae reta oiporarata oñejäa yave vae güi.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

Apocalipsis 3:8

‘Che aikuaa opaete reyapogüe reta. Mase, ko añono nderóvai öke oyepea oï vae, mbaetɨ kia ipuere oyokenda vae. Echa renoi tëi michi nepɨ̈rata, ërei reyapo che jae vae jare mbaetɨ chekuaku.

Apocalipsis 5:10

oreapo mburuvicha guasu retarä, sacerdote retarä ñaneTumpa pe. Jare roporookuaita ɨvɨ pe.”