2 Timoteo 2:10 - Biblia Guarani Tumpa Iñee

¹⁰ Jáeramo, aropɨa aaɨu ramo Tumpa oiparavo vae reta, jae reta vi güɨnoi vaerä yemboasa Cristo Jesús rupi, mbaemboete opambae.

Nuevo Testamento Guaraní Pe

¹⁰ Jae rambue opaete aiporara chepɨaguasu reve Tumpa oiparavo vae reta jeco pegua, jae reta vi güɨnoi vaera ñemboasa Cristo Jesús rupi, jare güɨnoi vaera vi maemboete opa mbae vae.

2 Timoteo 2:10 ပူးပေါင်းရင်းမြစ်များ

PROVERBIOS 8:35

Echa cheväe vae, tekove ko oväeta, jare oväeta yandeYa ipɨakavi;

San Mateo 24:22

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

San Lucas 22:57

Jayave Pedro oikuaku Jesús jei reve: —Mbaetɨ aikuaa jókuae kuimbae.

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

San Juan 17:9

Ayerure ndeve jese reta. Mbaetɨ ayerure oporogüɨroviambae vae reta re. Ayerure ndeve nde remee cheve vae reta re. Echa jae reta ndembae ko.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

Romanos 9:23

jae omoërakua vaerä iyemboetea tuicha yae vae, omboyekuaa iporoparareko rupi, jókuae omokätɨro ma iyɨpɨ güive chupe reta yemboetea peguarä vae;

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

1 Corintios 9:22

Mbaetɨ ipɨ̈rata iporogüɨrovia pe vae reta ndive aï yave, che aiko vi jae reta rami, jae reta vi güɨrovia vaerä Cristo re. Ayeapo opaete vae pe jae reta rami, opaete vae oyemboasauka vaerä.

2 Corintios 1:6

Ërei ore roiporara yave, roiporara ko pe reta penoi vaerä mbɨakatu jare yemboasa. Jare Tumpa orembopɨakatu yave, orembopɨakatu ko penoi vaerä mbɨakatu jare yemboasa. Jare jökorai pepuere peropɨa peiporara yave ore rami.

2 Corintios 12:15

Chekɨ̈reɨ ngatu reve aiporuta chembaembae, che etei añemeeta poaɨu vae jeko pegua. Yepe tëi che poaɨu yae reve pe reta mbaetɨ cheraɨu ete.

2 Corintios 4:15

Opaete kuaekuae roiporara, ore poaɨu vae jeko pegua, Tumpa ipɨakavi oï vaerä jeta vae ndive. Jökorai jeta vae omeeta yasoropai Tumpa pe, jare oyemboeteukata.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

Efesios 3:13

Jáeramo agüɨye peyembopɨtu, aiporara peré vae re. Jaeño pemboete Tumpa kuae re.

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

1 Tesalonicenses 5:9

Echa Tumpa mbaetɨ ko yandeparavo oiporarauka yandeve vaerä. Yandeparavo ko, yayemboasauka vaerä yandeYa Jesucristo rupi,

2 Tesalonicenses 2:14

Kuaerä Tumpa peparavo ñee ikavi vae romombeu peve vae rupi, peike vaerä yandeYa Jesucristo iyemboetea pe.

2 Timoteo 1:1

Che Pablo, Jesucristo jemimondo Tumpa jemimbota rupi, amoërakua vaerä tekove Cristo Jesús re.

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

2 Timoteo 2:3

Nde, eiporara Jesucristo isundaro ikavigüe rami.

Tito 1:1

Che Pablo, Tumpa jembiokuai jare Jesucristo jemimondo. Jae chemondo Tumpa oiparavo vae reta pe güɨrovia vaerä jese, jare oikuaa vaerä añete vae, omboete vaerä Tumpa,

1 Pedro 2:10

Tenonde yave pe reta Tumpa imbae retaä ko, ërei añave peyeapo ma Tumpa imbae retarä; tenonde yave Tumpa mbaetɨ peparareko, ërei añave peparareko.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.