2 Timoteo 1:9 - Biblia Guarani Tumpa Iñee

⁹ Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Nuevo Testamento Guaraní Pe

⁹ Tumpa ñanemboasa jare ñandeparavo ñaneñono tee vaera iyeupeguara. Mbaeti co ñandeparavo mbae icavi vae ñande yayapo vae jeco pegua. Ñandeparavo co jae jemimbota re jare ipɨacavi jeco pegua. Echa ipɨacavi ñandeve Cristo Jesús rupi ndei ɨvɨ oyeapo mbove.

2 Timoteo 1:9 ပူးပေါင်းရင်းမြစ်များ

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Lucas 10:21

Jókuae ora pe etei Jesús oyerovia jare jei: “Romboete cheRu, nde ko jae ara pegua reta jare ɨvɨ pegua reta iYa, echa reñomi mbaembae iyarakuaa vae reta güi, ërei reechauka oñemomichi vae reta pe. Ikavi ko cheRu. Echa jökorai ko jaekavi ndeve.”

San Juan 17:24

CheRu, aipota kuae remee cheve vae reta yogüɨreko vaerä vi che aikoa pe, oecha vaerä mbaemboetea remee cheve vae. Echa ndei ɨvɨ oyeapo mbove nde cheraɨuño mai.

San Juan 17:9

Ayerure ndeve jese reta. Mbaetɨ ayerure oporogüɨroviambae vae reta re. Ayerure ndeve nde remee cheve vae reta re. Echa jae reta ndembae ko.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

Hechos 15:18

Che peYa aikuaauka kuae arakae güive vae, jae körai.”

Hechos 2:47

omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.

Romanos 11:14

aipota amoñemoägüɨro pekotɨ judío reta, jökorai oyemboasauka vaerä amogüe.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 9:11

Ërei ndeiño oa chaguakiri reta. Jare ndeiño oyapo ikavi vae ani ikavimbae vae mbove (kuae ko Tumpa oiparavo jae jemimbota rupi oiko vaerä; mbaetɨ oiparavo jembiapo rupi, jaeño jae jemimbota rupi),

Romanos 9:24

kuae reta vi oenɨi, jae ko yande reta. Mbaetɨ judío reta güiño, judiombae vae reta güi vi.

1 Corintios 1:18

Echa ñee Cristo ikurusu regua mbokere ko, kañɨtei pe yogüɨrajata vae reta peguarä. Ërei yande yayemboasauka vae reta peguarä ko Tumpa imbaepuere.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Efesios 2:5

yepe tëi tenonde yave ñamano ñaï mbaeyoa pe, ërei omee yandeve tekove Cristo re (Tumpa ipɨakavi rupi ayemboasauka),

Efesios 3:11

Echa jökorai Tumpa oyapo iyemongeta opambae vae yandeYa Jesucristo rupi,

Filipenses 3:14

Jáeramo añemoäta ngatu avei, aupitɨ vaerä Tumpa omeeta cheve Cristo Jesús rupi vae.

1 Tesalonicenses 4:7

echa Tumpa mbaetɨ ko ñanereenɨi yaiko vaerä pɨ̈chɨi vae pe, ñanereenɨi ko yaiko tee vaerä chupeguarä.

1 Timoteo 1:1

Che Pablo, Jesucristo jemimondo, Tumpa yandemboasa vae jare yandeYa Jesucristo ñaäro vae iporookuai rupi.

2 Timoteo 1:1

Che Pablo, Jesucristo jemimondo Tumpa jemimbota rupi, amoërakua vaerä tekove Cristo Jesús re.

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

1 Pedro 1:20

Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.