2 Timoteo 1:8 - Biblia Guarani Tumpa Iñee

⁸ Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.

Nuevo Testamento Guaraní Pe

⁸ Jae rambue agüɨye nemara remombeu vaera ñandeYa regua. Agüɨye vi nemara chereco pegua. Echa che aico cuae tembipɨɨrɨru pe ñandeYa pe ayeócuai rambue. Erei eiporaraño che aiporara rami ñee icavi vae jeco pegua. Echa Tumpa omee ñandeve mbaepuere, yaiporara yave.

2 Timoteo 1:8 ပူးပေါင်းရင်းမြစ်များ

SALMOS 119:46

Tachemiari ndeporookuai reta re mburuvicha guasu reta jóvai, jare ngaraa chemara.

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

ISAÍAS 51:7

Peyeapɨsaka, pe reta peikuaa jupi vae re vae, cheporookuai rupi peiko vae reta. Agüɨye pekɨɨye kuimbae reta iñeeasɨ katu güi, agüɨye peyembopɨtu iporoangao jeko pegua,

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

San Marcos 8:38

Echa añave rupigua iyoa vae reta jare ikavimbae iyapoa reta güi imara cheré jare cheñee re vae, che Kuimbaerä ayeapo vae aromarata vi, ayu ye yave cheRu iyemboetea reve araɨgua oñeñono tee Tumpa peguarä vae reta ndive.

San Lucas 9:26

Echa kia imara cheré jare cheñee re vae, che Kuimbaerä ayeapo vae aromarata vi, ayu ye yave cheyemboetea jare cheRu jare araɨgua reta iyemboetea reve.

San Juan 15:27

Jare pe reta vi pemiarita. Echa iyɨpɨ güive peiko che ndive.

San Juan 19:35

Jare oecha vae omombeu kuae, pe reta vi perovia vaerä. Jare kuae omombeu vae añete ko. Echa jae oikuaa kavi omombeu vae añete ko.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

Romanos 8:36

Echa Tumpa Iñee pe oyekuatía oï körai: “Nderé rogüɨrovia ramo, ara ñavo roiko yemomburu rupi. Roiko vecha reta oyereraja mbaeyukaa pe vae rami.”

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 Corintios 1:6

Jökorai ïru vae reta oecha vaerä añete vae ko jókuae amombeu peve Cristo regua vae.

2 Corintios 6:7

ñee añete vae rupi, Tumpa imbaepuere pe, royapo avei jupi vae,

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 3:13

Jáeramo agüɨye peyembopɨtu, aiporara peré vae re. Jaeño pemboete Tumpa kuae re.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 4:17

Kuae jae peve pomoñera reve yandeYa jee re: Agüɨye mo peiko oporogüɨroviambae reta rami, iyemongeta ikavimbae rupi yogüɨreko vae reta rami,

Filipenses 1:7

Jupi ko ayemongeta vaerä körai peré, echa poaɨu yae. Tembipɨɨrɨru pe aï yave, ayeepɨ aï yave jare ñee ikavi vae amoañete aï yave, opaete pe reta vi ko peï che ndive.

Filipenses 3:10

Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

Filipenses 4:13

Opaete chepuere ayapo Cristo re, echa jae chemomɨ̈rata.

Colosenses 1:11

Tumpa tapemomɨ̈rata imbaepuere tuicha yae vae pe, pepɨaguasu jare peropɨa avei vaerä.

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

1 Tesalonicenses 3:4

Ore roiko pe ndive yave, romombeu voi ko peve roiporarata vae, jare jökorai oasa, pe peikuaa rami.

1 Timoteo 2:6

Jae oñemee omano vaerä, oepɨ vaerä opaete vae. Jare Tumpa oikuaauka kuae, iara pe kavi.

2 Timoteo 1:10

Añave oikuaauka yandeve ipɨakavi, yandemboasa vae Jesucristo rupi. Echa jae omboai mano imbaepuere, jare ñee ikavi vae rupi oikuaauka yandeve kërai ñanoi tekove opambae vae.

2 Timoteo 1:12

Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

2 Timoteo 1:16

YandeYa toiparareko Onesíforo jo pegua reta, echa jae jeta vese chemboyerovia, jare mbaetɨ imara opou vaerä chépɨri, yepe tëi aiko tembipɨɨrɨru pe.

2 Timoteo 2:3

Nde, eiporara Jesucristo isundaro ikavigüe rami.

2 Timoteo 2:8

Nemaendúa Jesucristo, David iñemuña pegua re, kërai jae oikove ye omanogüe reta ipɨte güi, ñee ikavi vae amoërakua rami.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

2 Timoteo 4:17

Ërei yandeYa oï che ndive jae chemomɨ̈rata, che amoërakua vaerä ñee ikavi vae, opaete judiombae vae reta oendu vaerä, jökorai aasayepe vaerä yaguapope iyuru güi.

2 Timoteo 4:5

Ërei nde agüɨye etei ere ereiño, eropɨa tembiporara reta, eyapo ñee ikavi vae imoërakuaa iparavɨkɨ. Eyapo ndeparavɨkɨ.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 1:2

kuae aikuatía vae Tumpa iñee ko, Jesucristo etei omombeu cheve kuae, che aecha opaete kuae mbaembae.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 12:11

Jare yanderɨvɨ reta omoamɨri Satanás Vecha kuimbae taɨrusu vae jugüɨ rupi jare Tumpa iñee omoërakua reta vae rupi, ërei jae reta mbaetɨ güɨrokɨɨye jekove, mbaetɨ etei okɨɨye reta omano regua.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.