2 Timoteo 1:7 - Biblia Guarani Tumpa Iñee

⁷ Echa Tumpa mbaetɨ ko omee yandeve espíritu kɨɨye pegua, omee ko yandeve mbaepuere pegua, mboroaɨu pegua jare yayopia vaerä yanderete oipota vae.

Nuevo Testamento Guaraní Pe

⁷ Tumpa omee ñandeve Espíritu Santo ñanoi vaera mbaepuere, jare yaporoaɨu vaera, jare ñañeandu vaera, agüɨye vaera yaquɨye mbaembae güi.

2 Timoteo 1:7 ပူးပေါင်းရင်းမြစ်များ

SALMOS 119:80

Taiko jupi rupi kavi ndeporookuai reta rupi, agüɨye vaerä añemomaraiuka.

PROVERBIOS 2:7

Jae omee arakuaa kavi sɨmbi vae reta pe, jae ko yeopiaka sɨmbi vae reta peguarä;

PROVERBIOS 8:14

Cheré oï yemboarakuaa jare arakuaa kavi, che ko jae arakuaa katu, chembae ko mbaepuere.

ISAÍAS 11:2

Jese oïta yandeYa iEspíritu; espíritu pɨaarakuaa katu pegua jare arakuaa katu, espíritu yemboarakuaa pegua jare mbaepuere pegua, espíritu oikuaa yae mbae vae, jare oipoɨu yandeYa güi vae.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

San Lucas 10:19

Mase, amee ma peve mbaepuere pepuere vaerä pepɨ̈ro mboi re jare tumɨkarape re, jare penoi vaerä mbaepuere opaete tovaicho re, ngaraa etei ipuere mbae oyapo peve.

San Lucas 15:17

Jayave ou oyemongeta, jare jei iyeupe: ¡Cheru jëta pe, omombaravɨkɨ vae reta jeta güɨnoi jou vaerä! Ërei che kuae pe cheyukata ma yɨmbɨaɨ.

San Lucas 24:49

Mase, che ambouta peve cheRu güɨrökuavee peve vae. Ërei pepɨta tëta guasu Jerusalén pe ou regua peré mbaepuere ara güi.

San Lucas 8:35

Jare oendu vae reta yogüeru omae jókuae oasagüe re; jare oecha reta Jesús jare jókuae kuimbae aña reta osɨrɨ chugüi vae oguapɨ oï jóvai; oecha oyemonde kavi ma jare yarakuaa kavi ma. Jare opaete yogüeru vae reta okɨɨye.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Hechos 26:11

Jare jeta rupi ainupa opaete judío reta itupao reta ñavo rupi, jare jaeuka chupe reta ikavimbae vae Jesús kotɨ. Jare chearasɨ yae ikotɨ reta ramo, aja aeka reta ïru tëta guasu reta rupi ave.

Hechos 26:25

Ërei Pablo jei chupe: —Chembokereä ko aï, mburuvicha tuichagüe vae Festo. Che jae ndeve vae añete vae jare arakuaa pegua ko.

Hechos 6:8

Jare Esteban tɨnɨe Tumpa iporerekua jare imbaepuere pe, oyapo tuichagüe mɨakañɨ reta opaete vae reta ipɨte pe.

Hechos 9:22

Ërei Saulo oñemoäta ngatu, jare omoamɨri judío reta Damasco pegua. Echa oikuaauka chupe reta Jesús ko jae Cristo.

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Romanos 8:15

Echa Tumpa omee ko peve iEspíritu, peyeapo vaerä taɨ retarä. Mbaetɨ ko omee peve jekuaeño pekɨɨye reve peiko vaerä. Jókuae Espíritu Santo yandemborɨ yae vaerä: “CheRu.”

1 Corintios 2:4

jare chemiari peve ani añemoñee peve yave, mbaetɨ aiporu ñee reta arakuaa pegua, jaeño Espíritu imbaepuere rupi vae,

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Colosenses 1:8

Jae vi omombeu oreve mboroaɨu Espíritu Santo omee peve vae.

Hebreos 2:15

jökorai oyora vaerä opaete okɨɨye mano güi ramo tembipɨɨ rami yogüɨreko opaete ara oikove oiko ramboeve vae.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Juan 4:18

Mboroaɨu oimea pe mbaetɨ kɨɨye, jaeño mboroaɨu ikavi yae vae ombosɨrɨ kɨɨye, echa kɨɨye güeru mbaeporara; jáeramo okɨɨye vae mbaetɨ ko oikuaa kavi Tumpa iporoaɨu.