2 Timoteo 1:12 - Biblia Guarani Tumpa Iñee

¹² Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

Nuevo Testamento Guaraní Pe

¹² Jae rambue aiporara ai. Erei mbaeti chemara. Echa aicuaa arovia co Cristo re, jare aicuaa vi jae ipuere oñovatu cheve che amee chupe oñovatu vaera vae jocuae ara ou ovae regua.

2 Timoteo 1:12 ပူးပေါင်းရင်းမြစ်များ

SALMOS 25:2

cheRu Tumpa ndereño ayeko: Agüɨye emaeño tañemomaraiuka. ¡Agüɨye cherovaicho reta topuka cheré!

SALMOS 31:5

Añono cherekove ndepo pe, ¡nde chereepɨ cheYa, Tumpa añete vae!

SALMOS 56:9

Cherovaicho reta opata oyerova ye jaɨkue kotɨ, jókuae ara ayerure ndeve yave; aikuaa katu oime ko reï chemborɨ vaerä.

SALMOS 9:10

CheYa Tumpa, nderé oyekota ndekuaa vae reta, echa mbaetɨ reeya ndereeka vae reta.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 50:7

Echa, cheYa Tumpa ko chemborɨta, jáeramo, ngaraa ko chemara; jáeramo, amotäta cherova, ita rami, echa aikuaa ko ngaraa añemomaraiuka.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

NAHUM 1:7

YandeYa ipɨakavi ko; jae ko ñepɨ̈roka, mbɨatɨtɨ oime yave: Oepɨ oñepɨ̈ro jese vae reta.

San Mateo 12:21

Jare jae jee re judiombae vae reta güɨroviata.”

San Mateo 24:36

Ërei mbaetɨ kia ave oikuaa mbae ara pe ani mbae ora pe kuae oasata vae, araɨgua reta ave mbaetɨ oikuaa, jaeño cheRu oikuaa.

San Mateo 7:22

Jeta vae jeita cheve jókuae ara: ‘¡CheYa! ¡CheYa! Ore romoërakua Tumpa iñee nderee re. Nderee re vi rombosɨrɨ aña reta oya jese vae reta güi. Jaeramiño vi nderee re royapo jeta mɨakañɨ reta.’

San Lucas 10:12

Ërei che jae peve, Tumpa ojäa yave ɨvɨ pegua reta, jókuae tëta guasu pegua reta täta yaeta oiporara Sodoma pegua reta oiporara vae güi.

San Lucas 23:46

Jayave Jesús täta osapúkai, jei: —CheRu, añono cherekove ndepo pe. Jare kuae jei ma yave, omano.

San Juan 17:15

Mbaetɨ ayerure ndeve renoe vaerä kuae ɨvɨ güi. Ayerure ko ndeve reñovatu vaerä ikavimbae güi.

San Juan 6:44

Ngaraa kia ou chekotɨ, cheRu chembou vae mbaetɨ güeru chekotɨ yave. Jare che amoingove yeta ara taɨkuegua pe.

Hechos 13:46

Jayave Pablo jare Bernabé imiari okɨɨyembae reve chupe reta. Jei reta: —Añete jaekavi ko romoërakua vaerä peve räri Tumpa iñee. Ërei peröɨro ma. Mbaetɨ ma peipota, jökorai peikuaauka oreve mbaetɨta penoi tekove opambae vae. Jáeramo añave romoërakuata judiombae vae reta pe.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Hechos 7:59

Jare oyapi reta ramboeve, Esteban oyerure jei: “CheYa Jesús, eraja cherekove.”

Hechos 9:16

Che aikuaaukata chupe kërai oiporara yaeta chereko pegua.”

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 Corintios 1:8

Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe.

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

Filipenses 1:20

Körai oyeapota che aäro vae, echa jekuaeño aipota aiko chemarambae reve. Aipota aiko akɨɨyembae reve Cristo oyemboeteuka vaerä cherupi, aikove vae rupi ani amano vae rupi.

Filipenses 3:10

Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

Filipenses 3:21

jae oipoepɨta yanderete kuae ɨvɨ pe ñanoi vae jae jete iyemboetea yae vae rami vae pe. Oyapota kuae, mbaepuere güɨnoi opaete mbaembae re vae rupi.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

1 Tesalonicenses 5:4

Ërei pe cherɨvɨ reta mbaetɨ ko peï pɨtumimbi pe, jókuae ara peresapɨa vaerä imonda vae rami.

1 Timoteo 6:20

Timoteo, eyangareko kavi jókuae oñemee ndeve reyangareko vaerä jese vae re. Agüɨye eyeapɨsaka ndaye reta re, echa mbaeä ko, jare arakuaa katu raanga re.

2 Timoteo 1:14

Eñovatu ñee añete vae oñemee ndeve Espíritu Santo oiko yandepɨa pe vae rupi.

2 Timoteo 1:16

YandeYa toiparareko Onesíforo jo pegua reta, echa jae jeta vese chemboyerovia, jare mbaetɨ imara opou vaerä chépɨri, yepe tëi aiko tembipɨɨrɨru pe.

2 Timoteo 1:18

YandeYa tomee chupe iporoparareko jókuae ara, echa nde etei reikuaa katu kërai jeta yandemborɨ Efeso pe.

2 Timoteo 1:8

Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 2:18

Echa aña guasu omomiari oyavɨuka vaerä tëi chupe vae, imbaepuere yae ko omborɨ vaerä jókuae oyavɨta tëi vae.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 Pedro 4:16

Ërei peiporara yave Cristo re perovia jeko pegua, agüɨye pemara, jaeño pemboete Tumpa jókuae re.

1 Pedro 4:19

Jáeramo Tumpa jemimbota rupi oiporara vae reta jekuaeño toñeñono Iyapoa jupi vae ipo pe, jare toyapo ikavi vae.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,