2 Timoteo 1:10 - Biblia Guarani Tumpa Iñee

¹⁰ Añave oikuaauka yandeve ipɨakavi, yandemboasa vae Jesucristo rupi. Echa jae omboai mano imbaepuere, jare ñee ikavi vae rupi oikuaauka yandeve kërai ñanoi tekove opambae vae.

Nuevo Testamento Guaraní Pe

¹⁰ Cristo Jesús ou cuae ɨvɨ pe ñanemboasa vaera. Jocuae rupi Tumpa añave oicuauca ñandeve ipɨacavi. Echa Cristo Jesús omboai mano imbaepuere, jare oicuauca quirai ñandepuere ñanoi tecove opa mbae vae. Jare cuae ñamombeu ñee icavi vae rupi.

2 Timoteo 1:10 ပူးပေါင်းရင်းမြစ်များ

ISAÍAS 43:3

Echa, che ndeYa Tumpa ndereroasayepe vae ko, Tumpa Iyoambae Israel pegua. Che ko rogua; amee ko nderekovia pe Egipto, Etiopía jare Sabá.

ISAÍAS 45:15

Añetete, nde ko jae Tumpa oyeechambae, Israel iTumpa, oporoepɨ vae.

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

San Lucas 11:36

Jayave, nderete tɨnɨe tembipe pe jare mbaetɨ etei kërai yepe pɨtumimbi oï jese yave. Opaeteita ko jembipeasɨ, metei tembipe tuicha vae omboesape nderé rami.”

San Lucas 13:7

Jayave jei iko pe oparavɨkɨ chupe vae pe: ‘Mase, mboapɨ año ma ayu tëi aeka kuae ɨva ia jare mbaetɨ aväe chupe. Eyasɨa. Opɨ̈roiño ma ɨvɨ güɨnoi.’

San Lucas 2:11

Echa kuae pɨ̈tu oa oporomboasa vae David jëta pe. Jae ko yandeYa Cristo.

San Juan 1:9

Jókuae tembipe añetete pegua vae, omboesape opaete vae reta re vae ou kuae ɨvɨ pe.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 4:42

Jayave jei reta kuña pe: —Mbaetɨ roporogüɨrovia nde rere oreve güiño, roporogüɨrovia ko ore etei roendu ramo, jare añave roikuaa kuae ko jae ɨvɨ pegua reta Omboasa vae, Cristo jee vae.

San Juan 5:40

Ërei mbaetɨ peipota peyu chekotɨ penoi vaerä jókuae tekove.

Hechos 13:23

Kuae David iñemuña reta güi Tumpa omee Jesús jae güɨrökuavee rami. Jae ko Israel pegua reta Imboasaa.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

Romanos 3:31

Jayave, ¿mborogüɨrovia rupi yamboai ra mborookuai? ¡Mbaetɨ ko! Jeieteño ko ñamomɨ̈rata mborookuai.

Romanos 6:6

yaikuaa kërai yandereko indechigüe oyekutu kurusu re Cristo ndive, oyemboai vaerä mbaeyoa yanderete re oï vae, agüɨye vaerä mo jekuaeño yaiko mbaeyoa jeia re.

1 Corintios 15:26

jare taɨkue ete tovaicho oyemboaita vae jae ko mano.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 5:4

Echa kuae yanderete pe yaiko ramboeve, yaiporara yae ko, echa yaipotaäecha yanenandi yapɨta, jaeño yayemonde ipɨau pe, yanderete mano pegua vae oyepoepɨ vaerä tekove pegua pe, omanombae reve.

Gálatas 5:4

Cristo güi ko peyembosɨrɨ, pe mborookuai jei vae peyapo vae rupi peipota peyembojupi vae reta. Tumpa ipɨakavi güi ko pesɨrɨ.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

2 Timoteo 1:1

Che Pablo, Jesucristo jemimondo Tumpa jemimbota rupi, amoërakua vaerä tekove Cristo Jesús re.

2 Timoteo 1:8

Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.

2 Timoteo 4:1

Jáeramo, royókuai Tumpa jare yandeYa Jesucristo jovake, echa jae ojäata oikove vae reta jare omanogüe vae reta, ou ye yave oporookuai vaerä,

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Tito 2:11

Echa Tumpa ipɨakavi oyekuaa ko opaete vae oyemboasauka vaerä,

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Tito 3:4

ërei oyekuaa yave Tumpa iporoparareko jare iporoaɨu opaete vae pe,

Hebreos 10:32

Ërei pemaendúa ara reta oasagüe re, kërai Cristo re peyemboe yave, ïru vae reta oiporarauka yae peve yave pepɨ̈rata peporogüɨrovia pe,

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

2 Pedro 1:11

Jare jökorai yave, oyepeata opaete peve yandeYa Yandemboasa vae Jesucristo iporookuaía opambae.

2 Pedro 1:3

Tumpa omee yandeve imbaepuere rupi yaiko vaerä jare yamboete vaerä; jare opaete kuae ñanoi yaikuaa ramo jókuae yandeparavo iyemboetea jare tuichagüe yae rupi vae.

2 Pedro 2:20

Echa kia oyembosɨrɨ mbae ikavimbae vae ɨvɨ pegua güi yandeYa Jesucristo yandemboasa vae oikuaa vae rupi, ërei taɨkue rupi oyapo ye yave ñamɨri ma ko, jare ou opɨta ikavimbae yae tenonde oiko vae güi.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

2 Pedro 3:2

Aipota peyemongeta ñeemombeúa oñeñono tee Tumpa peguarä vae reta jei vae re, jare vi mborookuai yandeYa Yandemboasa vae mborookuai omee jemimondo reta rupi vae;

1 Juan 1:2

Jókuae Ñee tekove opambae vae etei ko, ore etei roecha. Romoërakua peve jae ko tekove opambae vae. Jae oimeño mai oiko yandeRu Tumpa ndive, ërei oyekuaa oreve.

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.

Apocalipsis 18:1

Jare kuae jaɨkue rupi aecha ïru araɨgua ogüeyɨ ou ara güi imbaepuere yae reve, jare ɨvɨ jembipe jókuae araɨgua jembipe pe.

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 20:14

Jare mano jare omanogüe reta ñogüɨnoia oyemombouka tata guasu pe. Kuae ko jae mano mokoía.

Apocalipsis 22:14

Oyerovia ko jemimonde oyoe vae reta, ipuere vaerä oya ɨvɨra tekove pegua re, jare oike vaerä tëta guasu pe jöke rupi.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.