2 Tesalonicenses 3:7 - Biblia Guarani Tumpa Iñee

⁷ Pe reta etei peikuaa ikavi ko kërai peiko vaerä ore rami. Echa ore roiko pepɨte pe yave, mbaetɨ ko roikoiño,

Nuevo Testamento Guaraní Pe

⁷ Pe reta etei peicuaa quirai icavi co peico vaera ore roico rami. Echa ore roico pepɨte pe yave, mbaeti co roico roparavɨquɨ mbae reve.

2 Tesalonicenses 3:7 ပူးပေါင်းရင်းမြစ်များ

PROVERBIOS 31:18

Oyangareko kavi iparavɨkɨ oguata kavi vaerä, pɨ̈tu yave ave opoi raiviä iparavɨkɨ güi.

1 Corintios 11:1

Peiko che aiko rami. Che Cristo oyapo vae ayapo rami.

1 Corintios 4:16

Jáeramo che pomoñera peiko vaerä che rami.

Filipenses 3:17

Cherɨvɨ reta, peiko che aiko rami. Jare pemae vi jókuae yogüɨreko ore roiko peróvai vae rami vae reta re.

Filipenses 4:9

Peyemboe vae, pemboresive vae, peendu jare peecha cheré vae peyapo. Jare Tumpa oporombopɨakatu vae oïta pe ndive.

1 Tesalonicenses 2:10

Pe reta peikuaa kavi ko jare Tumpa vi, kërai royapo ikavi vae, jupi vae, mbaetɨ kia oremboeko mbae re, pe oporogüɨrovia vae reta ndive.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

2 Tesalonicenses 3:6

Cherɨvɨ reta, añave poyókuai yandeYa Jesucristo jee re, peyembosɨrɨ vaerä oipotagüe oporogüɨrovia vae oikoiño vae güi, jókuae mbaetɨ oipota oiko mboromboe roikuaauka peve vae re vae.

2 Tesalonicenses 3:9

Körai royapo, yepe tëi jupi ko roiporu vaerä mbaembae peve. Ërei orekɨ̈reɨ roechauka peve, pe reta vi peiko vaerä ore rami.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

Tito 2:7

Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,

1 Pedro 5:3

agüɨye peyemboiya etei peyangareko jese vae reta re, jaeño peechauka ikavi chupe reta.