2 Tesalonicenses 3:5 - Biblia Guarani Tumpa Iñee

⁵ YandeYa tapemborɨ peporoaɨu vaerä Tumpa rami, jare pepɨaguasu vaerä Cristo ipɨaguasu rami.

Nuevo Testamento Guaraní Pe

⁵ ÑandeYa tapemborɨ peicuaa cavi vaera quirai Tumpa peraɨu, jare penoi vaera mbɨaguasu Cristo oipota omee peve vae.

2 Tesalonicenses 3:5 ပူးပေါင်းရင်းမြစ်များ

1 REYES 8:58

Yandepɨa ñañono ikotɨño yayapo vaerä opaete jae jemimbota jare ñañovatu iporookuai reta, mborookuai reta oyókuai ñaneñemuñagüe reta oyapo vaerä vae.

1 CRÓNICAS 29:18

Oreya, Abraham iTumpa, Isaac jare oñemuñagüe Israel iTumpa, emee ndembae vae reta pe togüɨnoi avei vaerä kuae ipɨa-kɨ̈reɨ ngatu, emee ipɨa pe imaendúa reta avei vaerä ndekotɨ.

SALMOS 119:36

Chembopɨa-kɨ̈reɨ ndeporookuai reta kotɨ, chemombia mbaepotarai güi.

SALMOS 119:5

¡Mbae mona, aiko avei ndeporookuai reta jeigüe rupi!

SALMOS 40:1

Chepɨaguasu reve aäro yandeYa, jae omboɨke iyapɨsa chekotɨ oendu vaerä chesapúkai;

PROVERBIOS 3:6

Enoi avei ndepɨa pe yandeYa, opaete mbae reyapo vae rupi, jare jae ndereroatata sɨmbi rupi.

JEREMÍAS 10:23

CheYa, aikuaa ko metei ave mbaetɨ jekove jae imbaei, mbaetɨ mbaepuere güɨnoi tenonde kotɨ oikota oiko vae re.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

LAMENTACIONES 3:26

Ikavi ko kïriiño ñaäro yandeYa iporogüɨroasayepe.

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Romanos 8:25

Ërei ñaäro ñaï mbaetɨ yaecha vae yave, ñaäro yandepɨaguasu reve.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

1 Corintios 8:3

Ërei kia nunga vae oaɨu Tumpa vae, Tumpa oikuaa jókuae nunga.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

DEUTERONOMIO 30:6

Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

1 Tesalonicenses 1:3

Oremaendúa avei yandeRu Tumpa jóvai peporogüɨrovia reve peparavɨkɨ vae re, peaɨu jare pekueraimbae reve peäro yandeYa Jesucristo vae re.

1 Tesalonicenses 3:11

YandeRu Tumpa etei jare yandeYa Jesús toipea tape cheve aja vaerä pépɨri.

2 Timoteo 4:8

Jare añave oñeovatu ma oï cheve metei äka-regua jupi vae pegua. YandeYa oporojäa vae jupi vae, omeeta cheve metei äka-regua jókuae ara; ërei mbaetɨ cheveño, omeeta vi opaete oaɨu iväea iara vae reta pe.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

1 Pedro 4:1

Echa Cristo oiporara kuae ɨvɨ pe yanderé. Jáeramo pe reta peïndaivi vi peiporara vaerä. Echa oiporara vae, oyembosɨrɨ ko mbaeyoa güi,

2 Pedro 3:12

Peäro peipota yae reve Tumpa iporojäa iara. Echa jayave ara reta jendɨ reve opata oyemboai. Jare opaete mbaembae jendɨ reve tɨkuita.

1 Juan 4:19

Yande yaaɨu Tumpa, echa jae räri yanderaɨu.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 13:10

“Oyembojee tembipɨɨrä oyereraja vaerä vae, toyereraja; oyembojee kɨsepuku pe omano vaerä vae, pɨpe tomano.” Kuae pe oyekuaata oporogüɨrovia vae reta ipɨa guasu jare iporogüɨrovia.