2 Tesalonicenses 3:3 - Biblia Guarani Tumpa Iñee

³ Echa yandeYa iñee ombopo avei vae ko, pemomɨ̈ratata jare peövatuta ikavimbae vae güi.

Nuevo Testamento Guaraní Pe

³ Erei jecuaeño ñandepuere yarovia catu ñandeYa. Jae pemomɨratata peporogüɨrovia re, jare omeeta peve mbaepuere agüɨye vaera peñemoamɨriuca icavi mbae vae pe.

2 Tesalonicenses 3:3 ပူးပေါင်းရင်းမြစ်များ

GÉNESIS 48:16

Araɨgua chereroasayepe opaete ikavimbae güi vae, tiporerekua kuae kunumi reta re. Kuae reta rupi toiko avei cheree, jare cheru Isaac jee, jare Abraham jee, jare toñemuña reta jeta yeyé kuae ɨvɨ pe.”

1 CRÓNICAS 4:10

Jabes oyerure Israel iTumpa pe, jei reve: “Romoñera ndeporerekua vaerä cheré jare emee cheve tuicha ɨvɨ, chemborɨ jare chereroasayepe ikavimbae güi, agüɨye vaerä aiporara.” Jare Tumpa omee chupe oiporugüe.

SALMOS 121:7

YandeYa ko neovatuta opaete ikavimbae güi, jae ko oñovatuta nderekove.

SALMOS 19:13

Che nderembiokuai, cheövatu vi pɨapochɨ güi, agüɨye togüɨnoi mbaepuere cheré; jayave opaeteita chekɨambae reve aiko, jare aiko teeta chekɨambae pɨapochɨ güi.

San Mateo 5:37

Ërei rere yave: ‘Ayapota’, eyapo. Ani rere yave: ‘Ngaraa ayapo’, agüɨye eyapo. Echa remboasa ete kuae güi rere yave, reyapota ikavimbae vae.

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Lucas 11:4

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami. Jare agüɨye emaeño roipota oreyoa vaerä. Orereepɨ ikavimbae güi.”

San Juan 17:15

Mbaetɨ ayerure ndeve renoe vaerä kuae ɨvɨ güi. Ayerure ko ndeve reñovatu vaerä ikavimbae güi.

1 Corintios 1:9

Tumpa ombopo avei iñee vae ko. Jae peparavo, peiko vaerä metei rami Taɨ yandeYa Jesucristo ndive.

1 Corintios 10:13

Echa mbaetɨ ko ou morojäa peve mbaetɨta peropɨa vae, ërei Tumpa jupi ko, ngaraa omaeño peñejäauka pepuere potambae peropɨa vae. Echa omeeta vi peve ñejäa ndive peropɨa vaerä.

1 Tesalonicenses 5:24

Peparavo vae iñee ombopo avei vae ko, jae ombopota opaete kuaekuae.

2 Tesalonicenses 2:17

jae tapembopɨakatu jare tapemomɨ̈rata opaete ñee ikavi vae pere vaerä, jare ikavi vae peyapo vaerä.

2 Timoteo 4:18

Jare yandeYa chereepɨta opaete ikavimbae vae güi, jare cheövatuta ara pegua iporookuaía peguarä. Jae toyemboeteuka jekuaekuae avei rupi. ¡Amén!

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

2 Pedro 2:9

Jaeramiño vi yandeYa oikuaa kërai oepɨ vaerä mbaemboavai güi jae jeia re yogüɨreko vae reta, jare oñovatu jupimbae reta oiporara vaerä Tumpa iporojäa iara pe.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,