2 Tesalonicenses 2:7 - Biblia Guarani Tumpa Iñee

⁷ Ërei oime ma oparavɨkɨ oï jókuae ikavimbae yaikuaambae vae, ërei añave oime ko kia mbaetɨ omaeño jese vae; jae oyereraja regua yandepɨte güi.

Nuevo Testamento Guaraní Pe

⁷ Echa jocuae icavi mbae ndeiño oyecuaa vae oparavɨquɨ ma oi. Erei añave oyopia oi vae oyopiata co, Tumpa güɨraja cuae ɨvɨ güi regua.

2 Tesalonicenses 2:7 ပူးပေါင်းရင်းမြစ်များ

Hechos 20:29

Che aikuaa katu ko aja ma yave, oiketa pepɨte pe aguarayaɨmba rami vae reta, jae reta ikɨ̈reɨta opa omokañɨtei oporogüɨrovia vae reta.

2 Tesalonicenses 2:6

Jare añave pe reta peikuaa, oime ko kia mbaetɨ omaeño jese vae, oyekuaa vaerä iara pe kavi.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

1 Juan 2:18

Cheraɨ aaɨu vae reta, oväe ara taɨkuegua. Peendu kërai Cristo re oyemboyovaicho vae oime ou, ërei añave oime ñogüɨnoi jeta Cristo re oyemboyovaicho vae reta. Jáeramo yaikuaa ou ma ko oväe ara taɨkuegua.

1 Juan 4:3

Ërei opaete vae omombeu Jesucristo mbaetɨ ko oyeapo kuimbaerä vae yave, mbaetɨ ko ou Tumpa güi. Jókuae jae ko Cristo re oyemboyovaicho vae iespíritu, jae ko pe reta peikuaa outa vae, jare añave oime ma oï ɨvɨ pe.

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”

Apocalipsis 17:7

Jayave araɨgua jei cheve: “¿Maera pa nepɨakañɨ? Tamombeu ndeve yaikuaambae vae kuña regua, mbaemɨmba guasu kuña ou jese vae regua, jókuae chiu iñäka jare payandepo jäti.