2 Tesalonicenses 2:2 - Biblia Guarani Tumpa Iñee

² agüɨye peyembotavɨuka jare peyembojopauka, oecha rami oyeapo vae reta pe, ani ñee rupi, ani tupapire ore romondogüe rami vae rupi, jei reta yandeYa iara oyearo ma.

Nuevo Testamento Guaraní Pe

² Agüɨye peñembojopa jare agüɨye peñemambeco. Güɨramoi iru vae reta jei ma peve oyearo ma oi ñandeYa iara. Güɨramoi jei peve Espíritu Santo omombeu chupe reta, ani jei jeracua chupe reta, ani jei ore roicuatía jocorai metei tupapire pe.

2 Tesalonicenses 2:2 ပူးပေါင်းရင်းမြစ်များ

ISAÍAS 26:3

CheYa, nde reñovatu mbɨakatu pe, ndereño ipɨa oñono vae reta, echa nderé oyeko reta.

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Marcos 13:7

Peendu yave ñeraro reta jare oimeta ñeraro reta yave, agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei.

San Lucas 21:19

Jare pepɨaguasu rupi peyemboasaukata ko.

San Lucas 21:9

Peendu ñeraro reta jare mburuvicha re oñemopüa vae yave, agüɨye pekɨɨye. Kuae susere reta oime ñotai ko tenonde. Ërei ngatu ndei vɨteri ko oväe kañɨtei.

San Juan 14:1

Agüɨye peyembopɨajopa. Perovia Tumpa re, perovia vi cheré.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

1 Corintios 1:8

Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe.

1 Corintios 14:32

Jare Tumpa güi omoërakua vae reta oime mbaepuere güɨnoi iyé ae;

1 Corintios 7:26

Ayemongeta jaekavi ko metei kuimbae opɨta vaerä añave oï ramiño, kuae ara reta pe yavai yae vae jeko pegua.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

1 Tesalonicenses 3:3

agüɨye vaerä metei ave ipɨatɨtɨ kuae tembiporara jeko pegua. Echa pe reta etei peikuaa ko jaerä etei ko ñaï.

1 Tesalonicenses 4:15

Jáeramo romombeu peve yandeYa omombeu oreve vae, kërai yande oimeño yaikove yandeYa ou ye yave vae reta ngaraa yande räri yaja omanogüe vae reta güi.

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

2 Tesalonicenses 2:15

Jáeramo, cherɨvɨ reta, pepɨ̈rata peporogüɨrovia pe. Agüɨye peakañɨ peikuaa vae güi, ore etei pomboe jese vae güi ani tupapire roikuatía peve vae rupi vae güi.

2 Tesalonicenses 3:17

Che etei amondo peve tamaraeme, aikuatía chepo pe etei. Jökorai ayapo opaete aikuatía vae pe, aechauka vaerä añetete ko. Körai aikuatía.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.