2 Tesalonicenses 1:9 - Biblia Guarani Tumpa Iñee

⁹ Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

Nuevo Testamento Guaraní Pe

⁹ Jae rambue oiporarata co. Echa ñandeYa omboai retata yogüɨreco vaera jecuaecuae aveiño mombɨrɨ chugüi. Ngaraa etei oecha reta ñandeYa imbaepuere tuicha yae vae rupi oyapota vae.

2 Tesalonicenses 1:9 ပူးပေါင်းရင်းမြစ်များ

GÉNESIS 3:8

Oendu reta yandeYa Tumpa kó rupi oguata oiko kaaru yave, jare kuimbae oñemi jembireko ndive yandeYa Tumpa güi, ɨvɨra pɨte pe kó pe.

GÉNESIS 4:16

Caín ojo yandeYa ndive imiari oikoa güi, oë jókuae ɨvɨ güi; ojo oiko vaerä ɨvɨ Nod jee vae kotɨ. Jókuae ɨvɨ oï Edén güi kuaraɨ oëa kotɨ.

JOB 21:14

Jei reta Tumpa pe: “¡Esɨrɨ katu oregüi mbaetɨ roipota roikuaa ndeporookuai!

JOB 22:17

Jei reta Tumpa pe: “¡Esɨrɨ katu oregüi! ¿Mbae pa ndepuere reyapo oreveguarä Imbaepuere yae ete vae?”

SALMOS 16:11

Reechaukata cheve tape tekove pegua; reikoa pe oime avei tuichagüe vɨakatu, yerovia katu opambae vae oime ndeɨpɨ pe.

SALMOS 51:11

Agüɨye chemombo nderóvai güi, jare agüɨye eekɨ chegüi ndeEspíritu ikɨambae.

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 2:10

Opaete vae reta peñemi ɨ̈vavira ipäu rupi, peñemi ɨvɨkúi igüɨ rupi, yandeYa kɨɨyea yae vae güi, iyemboetea tuicha yae vae güi.

ISAÍAS 2:19

YandeYa opüa jókuae ara oiporarauka vaerä kuae ɨvɨ pe yave, opaete vae oiketa ɨ̈vavira oyeka vae rupi ɨvɨkua rupi; yandeYa kɨɨyea yae güi, iyemboetea tuicha yae vae güi.

ISAÍAS 2:21

jare oike retata ɨ̈vavira oyeka vae rupi, ɨvɨkua rupi; yandeYa kɨɨyea vae güi, iyemboetea tuicha yae vae güi, yandeYa oiporarauka jókuae ara kuae ɨvɨ pe yave.

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

DANIEL 12:2

Jeta omanogüe reta opüa yeta: Amogüe opüata tekove iyapɨmbae peguarä, ïru reta opüata ñemomarai peguarä jare mbaeporara iyapɨmbae peguarä.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 22:13

Jayave mburuvicha guasu jei jembiokuai reta pe: Peipokua jare peraja pemombo oka pe pɨtumimbía pe. Joko pe toyaeo jare jäi tombokɨrɨrɨu.

San Mateo 24:30

Jare oyekuaata mbae ara re che Kuimbaerä ayeapo vae ayu ye chembaepuere reve jare cheyemboetea yae reve yave. Jare opaete ñemuña reta Israel pegua ipɨatɨtɨta chereecha ayu amapɨtu re yave.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Mateo 26:24

Che Kuimbaerä ayeapo vae pe oyeapo ñotai ko oyekuatía oï cheré vae rami. Ërei, ¡paravete jókuae kuimbae chemboeterengata vae! Ikavi yae viña jókuae kuimbae mbaetɨ oa yave.

San Mateo 7:23

Ërei che jaeta chupe reta: ‘Pokuaaä etei. ¡Pesɨrɨ chegüi, mbaeyoa iyapoa reta!’

San Lucas 13:27

Ërei jae jeita peve: “Che jae peve, che mbaetɨ pokuaa. Pesɨrɨ chegüi opaete pe ikavimbae iyapoa reta.”

San Juan 5:14

Jaɨkue rupi Jesús oväe jókuae kuimbae tupao pe, jare jei chupe: —Mase, rekuera ma. Agüɨye ye ndeyoa, agüɨye vaerä ou nderé mbae ikavimbae yae vae.

DEUTERONOMIO 33:2

körai: “YandeYa ou Sinaí güi; Seir güi yandemboesape. Jembipe ɨvɨtɨ Parán güive jare ou jeta vae reta pe Cades pe; iyakatu kotɨ güeru yandeve mborookuai tata katuai vae.

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

2 Pedro 2:17

Jókuae jupimbae vae oyapo vae reta ɨkua ɨmbae rami ko, amapɨtu ɨvɨtu tätagüe opa güɨraja vae rami ko; jókuae reta oäro güɨnoi pɨtumimbi yae vae jekuae avei pegua.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Judas 1:13

Jae reta ko ɨguasu iɨaparúa tuicha vae oñaro vae rami, jókuae ɨ tɨrɨyɨi rami ko jembiapo ikavimbae, yasɨtata jopa vae rami ko. Pɨtumimbi opambae vae oñeñovatu oï chupegua retarä.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 20:14

Jare mano jare omanogüe reta ñogüɨnoia oyemombouka tata guasu pe. Kuae ko jae mano mokoía.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.