2 Tesalonicenses 1:8 - Biblia Guarani Tumpa Iñee

⁸ Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

Nuevo Testamento Guaraní Pe

⁸ Yogüeruta tata jendɨ vae rami. Jayave ñandeYa oiporaraucata mbaeti oicuaa Tumpa vae reta pe. Echa jae reta mbaeti oipota güɨrovia ñee icavi vae ñandeYa Jesucristo regua.

2 Tesalonicenses 1:8 ပူးပေါင်းရင်းမြစ်များ

GÉNESIS 3:24

Jayave omombo joko güi kuimbae, jare oñono araɨgua reta Edén güi kuaraɨ oëa kotɨ jare metei kɨsepuku jendɨ vae jare oyembovava opaete rupi oguata vae, oyopia vaerä ɨvɨra tekove pegua jape.

2 SAMUEL 23:7

Oipota opoko jese vae, oipɨɨ jiero ani mii iɨ pe, jare oitɨ tata pe, opa vaerä ókai.”

SALMOS 18:44

Oendu reta yave cheregua, oyapo reta cheporookuai, ketɨgua reta vi chemboete.

SALMOS 79:6

¡Eitɨ ndearasɨ tëtaguasu reta mbaetɨ ndekuaa vae reta re, jare mborookuaía reta mbaetɨ nderee omboete vae reta re!

SALMOS 9:10

CheYa Tumpa, nderé oyekota ndekuaa vae reta, echa mbaetɨ reeya ndereeka vae reta.

SALMOS 94:1

¡CheYa, Tumpa oyepɨ ikavimbae iyapoa reta re vae, Tumpa oyepɨ ikavimbae iyapoa reta re vae, eyeechauka!

ÉXODO 5:2

Ërei Faraón jei: —¿Kia pa jókuae “peYa”, ayeapɨsaka vaerä iñee re jare amaeño vaerä yogüɨraja Israel iñemuña reta? Che mbaetɨ ko aikuaa peYa, ngaraa vi amaeño yogüɨraja Israel iñemuña reta.

ISAÍAS 1:19

pekɨ̈reɨ yave jare peendu yave, peuta ɨvɨ omee mbaagüɨye kavi vae;

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 61:2

amoërakua vaerä yandeYa ipɨakavi iara ou ma oväe vae, jare ñaneTumpa oyepɨ vaerä iara ou ma vae regua; ambopɨakatu vaerä mbɨatɨtɨ pe ñogüɨnoi vae reta;

JEREMÍAS 10:25

Eitɨ ndearasɨ tëtaguasu reta mbaetɨ ndekuaa vae re, tëta reta mbaetɨ ndemboete vae re, echa opa omokañɨtei reta Jacob iñemuña reta, opaetei omboai reta, tëtaguasu opa omboai oeya reta.

JEREMÍAS 9:6

YandeYa jei: “¡Apu renda pe yogüɨreko, jupimbae jeiete! Chembae vae reta mbaetɨ oipota oikuaa cheregua.

DANIEL 7:10

Jare tata oë jóvai güi ɨ osɨrɨ rami. Jeta yae oyeokuai chupe vae, jare jeta yeyé oyemboɨ ñogüɨnoi jóvai. Oporojäa vae oguapɨ, jare tembikuatía reta oyepea.

SOFONÍAS 1:6

Amboaita vi opia chegüi vae reta, jare mbaetɨ chereeka vae, mbaetɨ oyerure cheve vae reta.”

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Juan 3:19

Tembipe ou ma ɨvɨ pe, ërei ɨvɨ pegua reta oaɨu yae iyeupe pɨtumimbiño, tembipe güi, echa jembiapo reta ikavimbae vaeño. Jáeramo oñejäauka reta ma ko.

San Juan 8:19

Jayave judío reta jei: —¿Kia pe pa oime oï ndeRu? Jesús jei chupe reta: —Pe reta mbaetɨ chekuaa jare mbaetɨ vi peikuaa cheRu. Chekuaa yave mona, cheRu peikuaata tëi vi ko.

Hechos 6:7

Jare Tumpa iñee jeiete oñemoai. Jare jeiete jeta yae oporogüɨrovia Jerusalén pe vae, jare jeta sacerdote reta ave vi oporogüɨrovia.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 1:5

Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä.

Romanos 10:16

Echa mbaetɨ opaete oendu ñee ikavi vae, Isaías jei rami, echa jei: “CheYa, ¿kia ra güɨroviata romoërakuagüe re?”

Romanos 15:18

Chemiarita Cristo oyapo che rupi vae reño. Kërai judiombae vae reta iñeereendu vaerä. Kuae ayapo chemiari jare ayapo reve;

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

Romanos 6:16

¿Mbaetɨ pa peikuaa peñemee yave kia jembiokuairä, jókuae ipo pe ko peï vae? Jökorai ko mbaeyoa ipo peï, mano peguarä ani Tumpa jei vae re peï yave, peyembojupi vaerä.

1 Corintios 15:34

Pemae kavi, agüɨye peyoa. Echa amogüe pe reta mbaetɨ peikuaa Tumpa. Kuae jae peve pemara vaerä.

2 Corintios 10:5

Jökorai romboai yemongeta reta jare opaete pɨayembotuicha omboavai yaikuaa vaerä Tumpa vae. Jökorai opaete pɨayemongeta rogüɨrajata Cristo jei vae oyapo vaerä.

Gálatas 3:1

Galaciaɨgua reta, iyarakuaambae reta. ¿Kia pa pembotavɨ kavi yae, agüɨye vaerä perovia añete vae? Echa roechauka kavi yae ma peve, kërai Jesucristo oyekutu kurusu re vae.

Gálatas 4:8

Añete ko, tenonde rupi mbaetɨ peikuaa Tumpa yave, peyeokuaise tumpambae reta pe.

DEUTERONOMIO 32:35

oiporarauka jare omboepɨuka vae ko che, iara pe ogüɨapi retata. Echa köi yae ma oï oiporara reta vaerä, ¡oäro güɨnoi vae köi yae ma!

DEUTERONOMIO 4:11

Peyemboatɨ ɨvɨtɨ igüɨ pe; jare jókuae ɨvɨtɨ jendɨ opüa ɨvate yeyé, oyeapo amapɨtu jare pɨtumimbi yae.

DEUTERONOMIO 4:30

Peï yave mbɨatɨtɨ pe, perupitɨ yave opaete kuae mbaembae, jare taɨkue rupi peyerova ye yave yandeYa Tumpa kotɨ, jare peendu yave iñee jeigüe;

DEUTERONOMIO 5:5

Jayave che aï yandeYa jare pe reta pepäu pe, amombeu vaerä yandeYa iñee reta, echa pe reta pekɨɨye tata güi, jare mbaetɨ peyeupi ɨvɨtɨ re. Jayave yandeYa jei:

1 Tesalonicenses 4:5

agüɨye pekuña pota güiño, echa jökorai ko Tumpa re güɨroviambae reta.

Hebreos 10:27

jaeño ñaärota yavaetegüe Tumpa iporojäa, tata yavaetegüe omboaita Tumpa kotɨ oyemboyovaicho vaerä reta.

Hebreos 10:30

Yaikuaa ko Tumpa jei: “Oiporarauka vae ko che. Che tamboekovia chupe.” Jei vi: “YandeYa oiporaraukata imbae vae reta pe.”

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

Hebreos 12:29

echa ñaneTumpa ko tata opaetei oapɨ mbae oeya vae rami vae.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Pedro 3:6

Sara oiko Abraham jeia re rami, jei reve chupe: “Cheya.” Pe reta ko jae imemɨkuña reta peyapo yave ikavi vae, pekɨɨyembae reve mbaembae güi.

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 6:10

Jae reta iñeeäta reve jei: “OreYa iyoambae jare añetete vae. ¿Kërai yave pa rejäata jare reiporaraukata ɨvɨ pegua oreyuka vae reta pe?”

1 SAMUEL 2:12

Elí taɨ reta ko iyoa, jare mbaetɨ oipoɨu reta yandeYa güi.