2 Tesalonicenses 1:7 - Biblia Guarani Tumpa Iñee

⁷ jare pe reta peiporara vae jae omeeta peve mbutuu ore ndive, yandeYa Jesús oyekuaa ara güi yave imbaepuere pegua araɨgua reta ndive.

Nuevo Testamento Guaraní Pe

⁷ Jare pe reta peiporara vae peputuuta ore ndive. Echa jupi co Tumpa ñanemombutuu vaera, ñandeYa Jesús oyecuaa yave, ara güi ou yave araɨgua reta mbaepuere güɨnoi vae ndive.

2 Tesalonicenses 1:7 ပူးပေါင်းရင်းမြစ်များ

ÉXODO 19:18

Jare ɨvɨtɨ Sinaí opaetei jätati, echa yandeYa ogüeyɨ jese tata ndive; jare tätati opüa ɨvate, horno güi tätati oë vae rami, jare opaetei ɨvɨtɨ täta yae okana.

ÉXODO 3:2

Joko pe oyekuaa chupe yandeYa iAraɨgua metei yai jendɨ oï vae güi; jare omae yai jendɨ vae re, ërei jókuae yai mbaetɨ ókai.

ISAÍAS 57:2

oike reta mbɨakatu pe. Oputuu retata jɨvɨa pe, opaete yogüɨreko reta Tumpa jemimbota rupi vae.

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

EZEQUIEL 1:13

Jókuae mbae reta, oyekuaa tätapɨi jendɨ vae rami, ani mechero jendɨ vae rami, jókuae oyepɨu ipɨte reta rupi. Jókuae jembipeasɨ yae vae güi, oë ama-veraecha vae.

DANIEL 7:9

Amaeño aiko, opa regua oñeñono guapɨa reta mborookuaía pegua, jare metei Ndechi Tenondegua ete oguapɨ. Jemimonde tïi iroɨ rami, jare ia vecharaagüe ikɨambae rami. Iguapɨa jare iruera reta tata rami.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 16:28

Añete che jae peve, ndei amogüe kuae pe ñogüɨnoi vae omano mbove, chereechata che Kuimbaerä ayeapo vae ayu araɨgua mborookuaía ndive.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Mateo 26:64

Jayave Jesús jei chupe: —Rere ma ko. Ërei jae yeta vi peve, che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re ara güi.

San Marcos 14:62

Jesús jei chupe: —Jae ko che. Jare che Kuimbaerä ayeapo vae chereechata ko aguapɨ aï Tumpa imbaepuere vae iyakatu kotɨ. Jare chereechata vi ayu amapɨtu re.

San Marcos 8:38

Echa añave rupigua iyoa vae reta jare ikavimbae iyapoa reta güi imara cheré jare cheñee re vae, che Kuimbaerä ayeapo vae aromarata vi, ayu ye yave cheRu iyemboetea reve araɨgua oñeñono tee Tumpa peguarä vae reta ndive.

San Lucas 16:25

Ërei Abraham jei chupe: Cheraɨ, nemaendúa kërai nde reiko ɨvɨ pe yave, reyekou yepi jeta mbaembae re. Jökoraiño vi Lázaro oiko ɨvɨ pe yave, oiporara jeta ikavimbae vae. Ërei añave jae ipɨakatu oï kuae pe jare nde reiporara reï.

San Lucas 17:30

Jökoraita vi oasa che Kuimbaerä ayeapo vae ayekuaa yave.

San Juan 1:3

Opaete mbaembae jae etei oyapo. Jae oyapombae reve mbaetɨi mbae oyeapogüe.

San Juan 1:51

Añetete che jae ndeve, reechata ara oyepea oï, jare reechata vi Tumpa iaraɨgua reta oyeupi jare ogüeyɨ che Kuimbaerä oyeapo vae re.

Hechos 1:11

Kuae reta jei chupe reta: —Kuimbae Galileaɨgua reta, ¿maera pa pemae peï ara kotɨ? Kuae Jesús oyereraja pegüi ara pe vae, jae etei ko ou yeta peecha ojo ara pe rami.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

1 Corintios 3:13

metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

Efesios 1:2

YandeRu Tumpa jare yandeYa Jesucristo ipɨakavi jare ipɨakatu toï pe ndive.

Colosenses 1:16

Echa jae rupi Tumpa oyapo opaete mbaembae ara pe oï vae jare ɨvɨ pe oï vae, yaecha vae jare yaechambae vae; mburuvicha reta ara pegua jare ɨvɨ pegua, jare opaete mbaepuere güɨnoi vae. Jae rupi etei oyeapo opaete jare chupeguarä.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

2 Timoteo 2:12

Yaiporara yave, jae ndive yaporookuaita vi. Yaikuaku yave, jae vi yandekuakuta.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 10:27

jaeño ñaärota yavaetegüe Tumpa iporojäa, tata yavaetegüe omboaita Tumpa kotɨ oyemboyovaicho vaerä reta.

Hebreos 12:29

echa ñaneTumpa ko tata opaetei oapɨ mbae oeya vae rami vae.

Hebreos 4:1

Jáeramo yaipoɨu, echa güɨramoi amogüe pe reta ngaraa peupitɨ penoi vaerä jókuae mbutuu Tumpa omee vae pe.

Hebreos 4:11

Jáeramo, ñañemoäta ngatu yaike vaerä jókuae mbutuu pe, agüɨye vaerä oasa yande ndive jókuae iñeereendumbae vae reta rami.

Hebreos 4:9

Jáeramo, oimeño vɨteri ko mbutuu Tumpa imbae vae reta peguarä.

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!

Apocalipsis 14:10

jae jouta vi Tumpa iyarasɨ oyeambae etei oï kopa pe vae. Oiporara yaeta tata jare azufre araɨgua reta iyoambae jare Vecha kuimbae taɨrusu vae jóvai.”

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 22:6

Jare araɨgua jei cheve: “Kuae ñee reta jupi jare añete ko. Jare yandeYa Tumpa etei oikuaauka ñeemombeúa reta pe. Jae ombou iaraɨgua oechauka vaerä jembiokuai reta pe ɨmambae mbaembae oasata vae.”

Apocalipsis 22:9

Ërei jae jei cheve: “Agüɨye chemboete. Che Tumpa pe, nerëtara ñeemombeúa reta jare oyapo kuae tembikuatía jei vae reta ayeokuai vae vi ko pe. Emboete Tumpa.”

Apocalipsis 6:11

Jare temimonde tïi vae oñemee metei ñavo pe, jare oñemee chupe reta oputuu reta vaerä michi pegua, echa oyeyukaukata vi räri Tumpa pe oyeokuai jae reta rami vae, oupitɨ regua tembipapa.