2 SAMUEL 8:4 - Biblia Guarani Tumpa Iñee

⁴ Chugüi reta David oipɨɨ mil seteciento kuimbae kavayu regua, jare veinte mil kuimbae ɨvɨ rupigua; jare opaete kavayu reta käretou ñeraro pegua regua opa oitɨmaka rakɨo, jaeño omoembɨre cien käretou peguarä.

2 SAMUEL 8:4 ပူးပေါင်းရင်းမြစ်များ

GÉNESIS 49:6

¡Aipotaäecha aï iyemboatɨa pe ipɨte pe! Echa pochɨrai yave oporoyuka reta, jare jekorai jeko pegua omopë reta toro itɨmaka.

1 REYES 10:26

Salomón ogua käretou reta jare omboatɨ kavayu regua kuimbae reta. Güɨnoi mil cuatrociento käretou jare doce mil kavayu regua kuimbae reta, kuae reta oñono tëta guasu reta käretou ñeraro pegua jenda rupi, jare Jerusalén oäro vae reta pɨri.

1 CRÓNICAS 18:4

David opɨ̈ro chugüi reta mil käretou ñeraro pegua jare siete mil sundaro kavayu regua jare veinte mil ɨvɨ rupigua; jare vi kavayu reta käretou omoata vae opa oitɨmaka rakɨo, jaeño omoembɨre cien käretou omoata vaerä.

SALMOS 20:7

Amogüe reta oyerovia ikäretou reta ñeraro pegua re, ïru reta oyerovia ikavayu reta ñeraro pegua re; ërei ore mbaetɨ oreakañɨ oreYa Tumpa güi.

DEUTERONOMIO 17:16

Ërei jókuae mburuvicha guasu agüɨye tomoñemuña iyeupe jeta kavayu, agüɨye vi tomondo togüeruruka iyeupe Egipto kotɨ güi omoïru vaerä ikavayu, echa yandeYa jei peve: ‘Agüɨye ye peyu kuae tape rupi.’

JOSUÉ 11:6

Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”

JOSUÉ 11:9

Josué oyapo yandeYa oyókuai rami, echa opa oakɨo jovaicho reta ikavayu ipɨ jare ikäretou reta opa oapɨ.