2 SAMUEL 7:7 - Biblia Guarani Tumpa Iñee

⁷ Opaete ara aiko ramboeve Israel iñemuña reta ndive, mbaetɨi aiporu che añono chembae vae reta juvicharä vae pe, oyapo vaerä o ɨ̈vɨrare pegua cheve reta.

2 SAMUEL 7:7 ပူးပေါင်းရင်းမြစ်များ

2 SAMUEL 5:2

Jare tenonde voi ma ko, Saúl oikose oreruvicha guasurä yave, nde ko rerajase Israel iñemuña reta ñeraroa pe jare reroyerova ye yepi. Jare yandeYa jei yoapɨ ndeve: ‘Nde reyangarekota tëta chembae vae Israel re, jare nde reikota Israel pe mburuvicharä.’ ”

1 CRÓNICAS 11:2

Jare tenonde rupi Saúl oikose mburuvicha guasurä oreve yave, nde ko rerajase Israel iñemuña reta ñeraroa pe, jare reroyerova reta ye yepi. Jare yandeYa jei vi ndeve: ‘Nde reyangarekota tëta chembae Israel re, jare reikota Israel pe mburuvicharä.’ ”

1 CRÓNICAS 17:6

Israel iñemuña reta aroataa rupi, mbaetɨi aiporu chembae vae itenondeguarä che añono vae reta pe, omopüa vaerä cheve metei o ɨ̈vɨrare pegua.’

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 66:1

YandeYa jei körai: “Ara ko jae cheguapɨa jenda, jare ɨvɨ ko jae chepɨ jenda; jayave, ¿ketɨ pa pepuereta peyapo cherorä?, jare ¿ketɨ pa peñonota cheputuúa rendarä?

JEREMÍAS 23:4

Jare maangarekoa reta añonota oyangareko vaerä jese reta; jare ngaraa ye ma oipoɨu jare okɨɨye reta, ngaraa etei ma vi okañɨ reta. Che ndeYa ko jae kuae.”

JEREMÍAS 3:15

Ameeta peangarekoa retarä chepɨa potaa, jare jae reta peangarekota yarakuaa katu kavi reve.

EZEQUIEL 34:15

Che etei ayangarekota chevecha reta re jare ambojokaita. Che peYa Tumpa jae kuae.

EZEQUIEL 34:2

“Nde kuimbae, emoërakua maratuta oasata vecha iyangarekoa reta Israel pegua vae, ere chupe reta: YandeYa Tumpa jei körai: ‘¡Peparavete pe vecha iyangarekoa reta Israel pegua, peyé aeño peyangareko vae! Echa, ¿vecha reä pa ko peyangarekota tëi?

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

San Mateo 2:6

“Nde Belén, ɨvɨ Judá pegua michi yae vaeä ko nde Judá pegua tëta guasu reta güi. Echa ndegüi oëta oporogüɨroata vae. Jae oyangarekota Israel pegua chembae vae reta re.”

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Hechos 21:28

jare osapúkai reve jei: “Kuimbae Israel pegua reta, oremborɨ. Kuae kuimbae oporomboe opaete kerupi, oyovaicho vaerä yande kotɨ, mborookuai kotɨ jare kuae tupao kotɨ. Jare güeru vi griego reta güɨroike tupao pe, jökorai omongɨauka kuae o oñeñono tee vae.”

DEUTERONOMIO 23:14

Echa yandeYa Tumpa oguata pepɨte rupi teyupa pe, peñovatu vaerä jare omee vaerä peporomoamɨri; jáeramo agüɨye tikɨa toï teyupa peï pɨpe vae, agüɨye vaerä Tumpa oecha mbae ikɨa vae pɨpe, jökorai ngaraa osɨrɨ pegüi.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.