2 SAMUEL 7:3 - Biblia Guarani Tumpa Iñee

³ Jayave Natán jei David pe: —Eyapo o kavi ndepɨa pe reyemongeta vae, echa yandeYa ko oï nde ndive.

2 SAMUEL 7:3 ပူးပေါင်းရင်းမြစ်များ

2 SAMUEL 7:4

Ërei jókuae pɨ̈tu, yandeYa imiari Natán pe, jei chupe:

1 REYES 1:8

Ërei sacerdote Sadoc, jare Benaía, Joiada taɨ, ñeemombeúa Natán, Simei, jare mburuvicha guasu Rei güɨrovia katu vae reta, ani sundaro jëia yae vae reta ave mbaetɨ omborɨ katu Adonías.

2 REYES 4:27

Javoi ojo oväe ɨvɨtɨ re Tumpa iñeemombeúa oïa pe yave, oyepɨɨ ipɨ re. Giezi oya jese ombosɨrɨ vaerä chugüi. Ërei Eliseo jei chupe: —Emaeño jese, echa ipɨatɨtɨ yae ko oï, jare añave rupi mbaetɨño yandeYa omombeu cheve, maratu ra oasa vae.

1 CRÓNICAS 22:7

jei: “Cheraɨ, che ayemongeta tëi amopüa vaerä yandeYa jorä.

1 CRÓNICAS 28:2

Jayave David opüa oyemboɨ jare jei: “Peyeapɨsaka cheré, cherëtara aaɨu vae reta: Che ayemongeta tëi amopüa vaerä metei o, käjou morogüɨrökuavee päve pegua yandeYa imbae oiko avei vaerä pɨpe, joko pe ñaneTumpa güɨnoi vaerä iporookuaía; jare ayapokatu tëi ma opaete amopüa vaerä,

1 CRÓNICAS 29:29

Mburuvicha guasu David regua, iyɨpɨ güive iyapɨ pe oyekuatía oï mbae re oecha voi vae Samuel jembikuatía pe, jare Tumpa iñeemombeúa Natán jembikuatía pe jare mbae re oecha voi vae Gad jembikuatía pe,

2 CRÓNICAS 29:25

Ezequías oñono vi yandeYa jo pe levita reta platillo reta reve, ngitara reta reve jare arpa reta reve, David jare mbae re oecha voi vae Gad, mburuvicha guasu iyɨvɨrigua jare ñeemombeúa Natán oporookuai rami. Echa jókuae mborookuai omee yandeYa iñeemombeúa reta rupi.

SALMOS 20:4

Tomee ndeve ndepɨa jemimbota rupi kavi, embopo opaete nekɨ̈reɨ reyapo vae.

SALMOS 37:4

Eyerovia katu vi yandeYa re, jare jae omeeta ndeve ndepɨa reve reiporu vae.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.

1 SAMUEL 10:7

Jare opaete kuae mɨakañɨ reta oasa nde ndive yave, eyapo reyemongeta jaekavita ndeve vae, echa Tumpa oime ko oï nde ndive.

1 SAMUEL 14:7

Jare jembiporu ñeraro pegua ivoɨa jei chupe: —Eyapo ndepɨa pe reyemongeta reyapo vaerä vae, ekua, che aïta nde ndive cheokuai vaerä.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”