2 SAMUEL 7:23 - Biblia Guarani Tumpa Iñee

²³ Jare Israel tëta ndembae vae, mbaetɨ yé ïru tëta jae rami vae kuae ɨvɨ pe; echa nde ko reyora ndembaerä Egipto güi, ïru tëtaguasu reta güi jare itumpa reta güi, jare remoërakua yae reta, reyapo ramboeve chupe reta mɨakañɨ tuichagüe jare yavaetegüe, reaɨu tëta ndembae vae ramo,

2 SAMUEL 7:23 ပူးပေါင်းရင်းမြစ်များ

2 SAMUEL 7:24

echa nde reiparavo ndembaerä Israel jekuae avei pegua, jare nde reiko iTumparä.

1 CRÓNICAS 17:21

¿Oime ra ïru tëta ɨvɨ pe tëta Israel ndembae rami vae? ITumpa güɨnoe Egipto güi imbaerä mɨakañɨ tuichagüe rupi vae, nerërakua yae vaerä. Nde remoë remombo jenonde güi ïru tëtaguasu reta,

NEHEMÍAS 1:10

Jae reta ko nderembiokuai, ndembae vae reta ko, ndembaepuere yae rupi reepɨ reta vae.

SALMOS 106:22

jeta mɨakañɨ oyapo Cam iɨvɨ pe vae, mbae oporombopɨakañɨ yae vae oyapo Ɨguasu Pɨ̈ta vae pe vae.

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 145:6

Kuimbae reta imiarita opaete mbaravɨkɨ tuichagüe reyapo vae re. Che amoërakuata ndembaepuere re.

SALMOS 147:20

Mbaetɨ etei jökorai oyapo ïru tëtaguasu reta ndive; jae reta mbaetɨ oikuaa yandeYa iporookuai reta re. ¡Aleluya!

SALMOS 40:5

CheYa Tumpa, jeta yae ko mɨakañɨ reta reyapogüe jare ndeyemongeta reta orekotɨ. ¡Oyepapa rapeä nderóvai! Yepe tëi amoërakua jare chemiari jese reta, ngaraa opa amoërakua.

SALMOS 44:3

Echa mbaetɨ opɨ̈ro reta kuae ɨvɨ ikɨsepuku ae pe, mbaetɨ ko iyɨva pe ave oyeepɨ reta. ¡Jaeño ko ndeyɨva jare ndembaepuere rupi! ¡Jembipe reyekuaa vae rupi, echa nde reaɨu yae reta!

SALMOS 65:5

Mbae tuichagüe rupi remboyevɨta oreve jupi vae, cheRu Tumpa orereroasayepe vae, opaete ɨvɨ pegua reta oyerovia jese vae, mombɨrɨ ɨguasu jembeɨ rupi ñogüɨnoi vae reta vi.

SALMOS 66:3

Pere Tumpa pe: “Oporomopɨakañɨ yae nderembiapo reta. Ndembaepuere tuicha yae vae rupi nderovaicho reta yogüɨrekota nde rerea re;

ÉXODO 12:12

Echa che aasata jókuae pɨ̈tu opaete ɨvɨ Egipto rupi, jare omanota opaete membɨrɨpɨ kuimbae ɨvɨ Egipto rupi, jökoraita opaete kuimbae reta jare mɨmba reta. Che peYa aitɨta cheporojäa opaete tumpa-raanga reta Egipto pegua re.

ÉXODO 33:16

Echa nde mbaetɨ reo ore ndive yave, ¿këraita pa che jare opaete vae reta roikuaa ndepɨakatu ko ore kotɨ vae? Jayaveño ore ambuaeyeeta opaete ïru tëta reta ɨvɨ pegua güi.

ÉXODO 6:7

Jare poapota tëta chembaerä jare che aikota peTumparä; jare pe reta peikuaata che ko jae peYa Tumpa vae, pogüɨnoe mbaravɨkɨasɨ katu peyapo Egipto pe vae güi.

ÉXODO 9:15

Echa, añave ambouta ndeve, reiporara vaerä jare nerëta pegua reta re, metei mbaerasɨ pɨ̈chɨi vae jare rekañɨteita ɨvɨ güi;

ÉXODO 9:16

che, añetete roñono aechauka vaerä nderé chembaepuere, oñemoërakua vaerä cheree opaete ɨvɨ rupi.

JEREMÍAS 32:20

Nde reyapo mɨakañɨ reta tuichagüe Egipto pe, jare añave rupi jekuae avei reyapo ɨvɨ Israel pe jare opaete kuimbae reta ipɨte rupi, jökorai nderee jërakua yae.

JEREMÍAS 32:21

Renoe ɨvɨ Egipto güi Israel iñemuña reta; renoe ndembaepuere pe mɨakañɨ reta tuichagüe ndive, remongɨɨye yae reve opaete vae.

EZEQUIEL 20:9

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, jókuae yogüɨrekoa rupi, echa jae reta jovake ayekuaauka chupe reta jare arökuavee anoe reta vaerä Egipto güi.

NÚMEROS 6:27

Körai toenɨi reta cheree Israel iñemuña reta re, jare cheporerekuata jese reta.”

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

DEUTERONOMIO 10:21

Echa ikotɨño ko penoita opaete mbaemboete, jaeño ko peTumpa, oyapo peve opaete kuae mbaembae tuicha yae vae jare mɨakañɨ reta peecha vae.

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

DEUTERONOMIO 33:29

Peyerovia pe Israel iñemuña reta, ¿kia pa ipuereta oyemboyovake pe ndive? YandeYa etei ko pereroasayepe; jae ko peangareko jare pemborɨ. ¡Jae ko pekɨsepuku peporomoamɨri vaerä! Perovaicho reta oñemomichita peve, jare pe pemboaita jae reta iyemboetea.”

DEUTERONOMIO 9:26

jare ayerure yandeYa pe, jae reve: ‘CheYa Tumpa, agüɨye emboai ndembae vae reta, nde reepɨ ndembaepuere tuicha yae vae rupi, Egipto güi renoe ndembaepuere yae pe.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

JOSUÉ 7:9

Echa cananeo reta jare opaete kuae ɨvɨ ipo reta oendu yave kuae, yatɨta oreöva, jare opaeteita oremokañɨtei reta. Jökorai yave, ¿mbae pa nde reyapota nderee tuicha yae vae pe?

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,