2 SAMUEL 7:22 - Biblia Guarani Tumpa Iñee

²² jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

¿Oime ye pa ïru Tumpa, yandeYa güi? ¿Oime ye pa ïru Tumpa ipuere yandereepɨ vae?

1 REYES 8:23

jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

1 CRÓNICAS 16:25

echa yandeYa tuicha yae ko, jupi ko oyemboete vaerä, jare kɨɨyea yae ko opaete tumpa-raanga reta güi.

2 CRÓNICAS 2:5

Jókuae tupao guasu amopüata vae tuicha yaeta ko, echa oreTumpa imbaepuere yae vae ko opaete tumpa-raanga reta güi.

SALMOS 135:5

Echa che aikuaa yandeYa tuicha yae ko, yandeYa tuicha yae ko opaete tumpa-raanga reta güi.

SALMOS 145:3

CheYa, ndembaepuere yae ko, jupi ko reyemboeteuka yae vaerä, ndembaepuere roipapa rapeä ko.

SALMOS 44:1

CheRu Tumpa, ore etei ko roendu, oreru reta imiari oreve vae, arakae yave reyapo jae reta iara pe vae re.

SALMOS 48:1

¡YandeYa ko tuichagüe yae! ¡Jupi ko oyemboete yae vaerä jëta guasu pe, iɨvɨtɨ oñeñono teea pe!

SALMOS 86:10

Echa nde ko Tumpa tuicha yae ete vae, ¡mɨakañɨ iyapoa! Mbaetɨ yé ïru Tumpa.

SALMOS 86:8

CheYa Tumpa, ¡mbaetɨ tumpa-raanga reta güi metei ave nde rami vae! ¡Nderembiapo ave mbaetɨ omboyovake vae!

SALMOS 89:6

Echa, ¿kia pa ara pe oime ndemboyovake vaerä, cheYa? Imbaepuere vae reta güi, ¿oime pa kia ndemboyovake vaerä?

SALMOS 89:8

CheYa Tumpa, Tumpa Imbaepuere yae ete vae, ¿kia pa nde rami? Ndembaepuere yae ko cheYa, añete vae pe reñeova etei reï.

SALMOS 96:4

echa yandeYa tuicha yae ko, jupi ko oyemboete yae vaerä; ¡ikɨɨyea yae ko opaete tumpa-raanga reta güi!

ÉXODO 10:2

jare nde nemiari vaerä nderaɨ reta pe, nerɨmɨmino reta pe mbaembae reta ayapo Egipto pe vae, mɨakañɨ ayapo jese reta vae; peikuaa vaerä che ko jae peYa vae.

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ÉXODO 8:10

Jare Faraón jei: —Pɨareve. Jare Moisés jei: —Toyeapo nde rere rami, reikuaa vaerä mbaetɨ ye kia oreYa Tumpa rami vae.

ÉXODO 8:6

Jayave Aarón güɨropövee ipopoka opaete ɨ Egipto pegua re, jare oë pïte opaete ɨvɨ Egipto rupi.

ÉXODO 9:14

echa añave opaete mbaerasɨ reta amondota nderé, nderembiokuai reta re, nerëta pegua reta re, reikuaa vaerä mbaetɨ ye ïru Tumpa che rami opaete kuae ɨvɨ pe vae.

ISAÍAS 40:18

¿Kia ndive pa pepuere pemboyovake Tumpa? ¿Mbae iä pa peyapota Tumpa iärä?

ISAÍAS 40:25

Tumpa Iyoambae oparandu: “¿Kia ndive pa chemboyovaketa pe reta? ¿Kia pa ipuere chemboyovake?”

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

ISAÍAS 45:5

Cheño ko jae opaete vae iYa, mbaetɨ yé ko ïru; mbaetɨ yé ko ïru Tumpa chegüi. Che ko amee mbaepuere ndeve ñeraro peguarä, yepe tëi nde mbaetɨ chekuaa.

EZEQUIEL 36:22

Jáeramo ere Israel iñemuña reta pe: YandeYa Tumpa jei körai: ‘Kuae ayapo vae mbaetɨ ko pereko pegua, jaeño cheree jeko pegua, echa pe reta peröɨrouka cheree ikɨambae jókuae ïru tëtaguasu reta pe, peo peväea ñavo rupi.

EZEQUIEL 36:32

YandeYa Tumpa jei: ‘Israel iñemuña reta, peikuaa kavi kuae ayapota vae, pereko kavi ramoä ko ayapota kuae; che aipota vae jae ko pemara jare peñemomichi peyoa jeko pegua.

DANIEL 2:45

jókuae ɨvɨtɨ güi reecha oa metei ita vae rami, mbaetɨ kia ipo pe oyoka reve, jókuae omonguruvi jiero, jiero iyu vae, ñaeu, korepoti jare oro. Tumpa tuicha yae vae oechauka ndeve mburuvicha guasu, maratuta oasa kuri vae; kuae mbaɨu añetete ko, jare mbae oipota jei vae jupigüe ko.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

DEUTERONOMIO 3:24

‘CheYa Tumpa, nde remboɨpɨ reechauka che nderembiokuai pe ndetuicha yae vae, jare ndembaepuere; echa mbaetɨ yé ïru Tumpa ara pe ani ɨvɨ pe ikavi yae oyapo vaerä nde reyapo rami vae.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

DEUTERONOMIO 4:39

Jáeramo pemaendúa katu, peñono pepɨa pe yandeYa jae ko Tumpa, ara pe jare ɨvɨ pe, mbaetɨ yé kia.

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!