2 SAMUEL 6:20 - Biblia Guarani Tumpa Iñee

²⁰ Jare David ojo ye vi jo kotɨ oyerure vaerä jo pegua reta re, ërei jembireko Mical, Saúl tayɨ oë oövaiti jei reve chupe: —¡Ikavi yae oyekuaa Israel juvicha guasu, opɨrae ramboeve imborɨa reta jembiokuai kuña reta jovake, oipotagüe kia nunga vae oyapo rami reyapo!

2 SAMUEL 6:20 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

2 SAMUEL 6:14

David omonde güɨreko metei temimonde iyɨvambae sacerdote pegua pe lino pegua, jare güɨropo tätagüe yandeYa jóvai,

2 SAMUEL 6:16

Jare Tumpa ikäjou ojo ma oväe David jëta pe yave, jembireko Mical, Saúl tayɨ oecha ventana rupi David güɨropo yandeYa jóvai; Mical güɨröɨro ipɨa pe omae jese.

2 SAMUEL 6:18

Jare opa ma omee mɨmba oyeyukagüe opaetei oyeapɨ vae jare mbota yembopɨakatu pegua yave, oyerure opaete vae re yandeYa imbaepuere yae ete vae jee re.

2 SAMUEL 6:19

Jare omee opaete vae Israel iñemuña reta pe, kuimbae ani kuña pe yepe metei mbɨyape, soo peraso jare metei ipe uva oñemotinigüe. Javoi opa ye yogüɨraja opaete vae jo ñavo kotɨ.

1 CRÓNICAS 16:43

Jaɨkue rupi opaete vae yogüɨraja jo pe, David ojo vi jo pe jei vaerä ñee kavi jo pegua reta pe.

JOB 30:8

Osirivembae reta, mbaragüe reta, tëta güi oyemombogüe reta.

SALMOS 101:2

taikuaa kërai sɨmbi rupi taiko, reyu chépɨri yave. Sɨmbi rupi kavi taiko chero pe;

SALMOS 30:1

CheYa Tumpa, romboeteta, echa nde chereepɨ, mbaetɨ remaeño cherovaicho reta cheyóyai yóyai.

ECLESIASTÉS 7:17

Agüɨye oasa ete eyapo ikavimbae, agüɨye vi oasa ete ndearakuaambae. ¿Maera pa remanota, ndei remanoa oväe mbove?

San Marcos 14:66

Jare Pedro oka pe oï ramboeve, ou metei sacerdote tenondegua jembiokuai kuña.

San Marcos 3:21

Jesús jëtara reta kuae oikuaa yave, yogüeru güɨraja vaerä tëi, echa jei reta: —¡Imbokere ma!

San Juan 13:6

Jare ojo oväe Simón Pedro oïa pe yave, Pedro jei chupe: —CheYa, ¿reyoeta yera chepɨ?

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JUECES 9:4

Jare Baal-berit itupao güi oekɨ reta setenta reare korepoti pegua omee Abimelec pe. Jókuae korepoti pe Abimelec omboepɨ kuimbae reta yogüɨrekoiño vae pe yogüɨraja vaerä jupíe

1 SAMUEL 14:49

Jae kuae Saúl taɨ reta: Jonatán, Isúi jare Malquisúa. Jare tayɨ tenondegua jee Merab, jare taɨkuegua jee Mical.

1 SAMUEL 18:20

Ërei Saúl tayɨ Mical jee vae iporopota oiko David re, jare Saúl oikuaa kuae re yave ikavi chupe.