2 SAMUEL 5:21 - Biblia Guarani Tumpa Iñee

²¹ Jare filisteo reta opa oeya joko pe itumpa-raanga reta, David jare isundaro reta opa oapɨ.

2 SAMUEL 5:21 ပူးပေါင်းရင်းမြစ်များ

ISAÍAS 37:19

jare opa jókuae tëtaguasu reta itumpa-raanga reta oapɨ oeya, echa tumpa eteä, kuimbae reta ipo pe oyapogüeño, ɨvɨra jare ita peguaño ko. Jáeramo ko opa reta omboai.

JEREMÍAS 43:12

Oapɨta Egipto pegua tumpa-raanga reta itupao reta, tumpa-raanga reta oapɨta ani opata güɨraja tembipɨɨ rami; opaeteita oitɨvɨro oeya tëtaguasu Egipto, metei vecha iyangarekoa jemimonde güi ñemokɨra oitɨo rami, javoi oë yeta ojo mbaetɨ etei reve kia oyopia.

JEREMÍAS 48:7

Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

DANIEL 11:8

Opɨ̈rota güɨraja Egipto kotɨ itumpa-raanga reta, mbae iä reta jiero oyemondɨkui oyeapo vae pegua jare jembiporu reta ipöra yae vae korepoti pegua jare oro pegua. Ërei mbovɨ año rupi jae oyembosɨrɨta oiko mburuvicha guasu ɨvɨtuguasu kotɨgua güi,

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

DEUTERONOMIO 7:5

Peyapota chupe reta vae jae kuae: Mɨmba oyeyuka oyeapɨ jese vae jae reta imbae pemboai, jare peyoka mbae iä oyapogüe, jare Asera iä peyasɨa, jare peapɨ tata pe opaete mbae iä oyapogüe reta.