2 SAMUEL 5:10 - Biblia Guarani Tumpa Iñee

¹⁰ Jare David imbaepuere okuakuaa ojo oiko, yandeYa Tumpa imbaepuere yae ete vae oime oiko jae ndive.

2 SAMUEL 5:10 ပူးပေါင်းရင်းမြစ်များ

GÉNESIS 21:22

Jókuae ara rupi etei Abimelec ojo omomiari Abraham jare güɨraja isundaro ruvicha Ficol. Abimelec jei Abraham pe: —Roecha katu kërai Tumpa ndemborɨ opaete mbae reyapogüe rupi.

2 SAMUEL 3:1

Saúl iñemuña reta oñeraro avei yogüɨreko David iñemuña reta ndive. David iñemuña reta jeiete imbaepuere, ërei Saúl iñemuña reta jeieteño ipɨtu.

2 SAMUEL 7:9

jare aiko nde ndive opaete reoa rupi, jare amoamɨri ndeve opaete nderovaicho reta, amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

2 SAMUEL 8:14

Jare David oñono isundaro reta opaete ɨvɨ Edom pe; jare Edom iñemuña reta opa opɨta David jembiokuairä. YandeYa omee David pe, oporomoamɨri vaerä oipota rupi ojoa rupi.

2 SAMUEL 8:6

Javoi David oñono isundaro reta Damasco pe Siria pe, jare Siriaɨgua reta opa opɨta David jembiokuairä, ombaemboepɨ reta chupe. YandeYa omee David pe, oporomoamɨri vaerä oipota rupi ojoa rupi.

JOB 17:9

Jupi vae reta ojota tenonde, ikavi oyapo vae oñemoïruta ipɨ̈rata.

SALMOS 24:10

¿Kia pa ko kuae Mburuvicha guasu imboetea yae vae? ¡Jae ko yandeYa Imbaepuere yae ete vae! ¡Jae ko Mburuvicha guasu imboetea yae vae!

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 46:7

¡YandeYa Imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

HAGEO 2:4

Ërei yandeYa jei: ¡Añave eñemomɨ̈rata Zorobabel! ¡Eñemomɨ̈rata Josué sacerdote tenondegua, ete Josadac taɨ! Peñemoäta ngatu opaete vae kuae ɨvɨ pe peiko vae jare peparavɨkɨ; echa che aï pe ndive, jei yandeYa Imbaepuere yae ete vae.

San Lucas 2:52

Jare Jesús okuakuaa ojo oiko, jökorai vi arakuaa pe, Tumpa jare ïru vae reta ipɨa kavi oï jese.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

1 SAMUEL 18:12

Saúl okɨɨye David güi, echa oecha yandeYa oï jae ndive, ërei Saúl ndive mbaetɨ ma yandeYa oï.

1 SAMUEL 18:14

Jare David oyapo opaete mbae yarakuaa katu reve kavi, echa yandeYa oï jae ndive.

1 SAMUEL 18:5

Jare David ojo oipota rupi Saúl omondoa kotɨ, jare yarakuaa katu reve kavi oiko. Jare Saúl oñono kuimbae ñeraro regua reta itenondeguarä, jare jae reta ipɨakatu yae omae jese, jökorai vi Saúl iyɨvɨrigua reta.