2 SAMUEL 3:8 - Biblia Guarani Tumpa Iñee

⁸ Jare Abner iyarasɨ yae, jókuae Is-boset omboeta chupe vae re, jare jei: —¿Yaɨmba oyeokuai Judá pe vae pa che? Che anoi mboroparareko nderu Saúl iñemuña reta re, jëtara reta re jare ivɨa-ïru reta re, jare mbaetɨ romee David ipo pe. ¿Jare añave nde chemboyoa reï kuae kuña ndive?

2 SAMUEL 3:8 ပူးပေါင်းရင်းမြစ်များ

2 SAMUEL 16:9

Jayave Abisai, Sarvia imembɨraɨe jei mburuvicha guasu pe: —¿Maera pa kuae yaɨmba rëogüe pochɨ jei ñee jasɨ katu vae ndekotɨ? ¡Emaeño taja iñäka tayasɨa!

2 SAMUEL 2:8

Ërei Abner, Ner taɨ, Saúl amɨri isundaro reta itenondegua ete güɨraja Mahanaim kotɨ Is-boset, Saúl taɨ,

2 SAMUEL 3:18

Añave, ou oväe ara peyapo vaerä peruvicha guasurä; echa yandeYa omomiari David, omombeu reve chupe kërai David rupi oepɨta Israel iñemuña reta, filisteo reta ipo güi jare opaete ïru jovaicho reta ipo güi.”

2 SAMUEL 3:9

¡Tumpa täta toiporarauka cheve mbaetɨ yave ayapo David pe, Tumpa güɨrökuavee jee re ae chupe vae,

2 SAMUEL 5:2

Jare tenonde voi ma ko, Saúl oikose oreruvicha guasurä yave, nde ko rerajase Israel iñemuña reta ñeraroa pe jare reroyerova ye yepi. Jare yandeYa jei yoapɨ ndeve: ‘Nde reyangarekota tëta chembae vae Israel re, jare nde reikota Israel pe mburuvicharä.’ ”

2 SAMUEL 9:8

Ërei jae itindɨ jare jei: —¿Kia pa che nemaendúa vaerä cheré? Che ko metei yaɨmba jëogüegüe ramiño.

2 REYES 8:13

Jare Hazael jei: —¿Kia pa che ayapo vaerä jókuae nunga? Eliseo jei chupe: —YandeYa oikuaauka cheve, nde reikota mburuvicha guasurä Siria pe vae.

SALMOS 76:10

Kuimbae iyarasɨ ndemboeteukata; ¡michi yae iyarasɨ vae ave ndemboeteukata!

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

DEUTERONOMIO 23:18

Agüɨye iyaguasa pota vae jepɨgüe ani kuimbae japicha ndive oasa vae jepɨgüe peru yandeYa Tumpa jo pe, echa jókuae nunga pɨ̈chɨi yae ko yandeYa Tumpa pe.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.

1 SAMUEL 17:43

Jare jei David pe: —¿Yaɨmba pa che, reyu vaerä cheve ɨvɨra ndive? Jare oyepopeyu David kotɨ opaete itumpa reta jee re.