2 SAMUEL 3:39 - Biblia Guarani Tumpa Iñee

³⁹ Jáeramo, che chepɨtu ko añeväe añave, yepe tëi mburuvicha guasurä ayeparavo aï; echa kuae kuimbae reta, Sarvia imembɨraɨe reta jeko pochɨ yae ko chevegua. ¡YandeYa tomboekovia kuae ikavimbae oyapo vae reta pe!

2 SAMUEL 3:39 ပူးပေါင်းရင်းမြစ်များ

2 SAMUEL 16:10

Ërei mburuvicha guasu jei chupe: —Sarvia imembɨraɨe reta, kuae teko mbaetɨ ko pe reta ndive. Güɨramoi yandeYa oyókuai jei vaerä cheve kuae ñee jasɨ katu vae, jökorai ko yave, ¿kia pa mbae jeita chupe?

2 SAMUEL 19:13

Jare oyókuai vi jei vaerä Amasa pe: “Nde cherëtara ete kavi ko, jayave añave güive nde reïta chesundaro reta itenondegua eterä, Joab jekovia pe. Jare mbaetɨ jökorai ayapo ndeve yave, Tumpa täta toiporarauka cheve.”

2 SAMUEL 19:22

Ërei David jei: —¿Maera pa jökorai peyemongeta cheve Sarvia imembɨraɨe reta? Echa aikuaa aï ye ma ko mburuvicha guasurä kuae ara, jayave mbaetɨta kia omano Israel pe kuae ara.

2 SAMUEL 3:38

Jare mburuvicha guasu jei vi imborɨa reta pe: —Mburuvicha ikavigüe ko omano Israel pe kuae ara.

1 REYES 2:32

YandeYa ko omboekovia chupe oporoyuka vae; echa oyuka mókoi kuimbae jekombae jare ikavi yae vae reta cheru David oikuaambae reve: Abner, Ner taɨ, sundaro reta itenondegua ete Israel pegua, jare Amasa, Jeter taɨ sundaro reta itenondegua ete Judá pegua.

1 REYES 2:9

Ërei añave agüɨye neɨ̈ro chupe. Ndearakuaa katu ko, nde reikuaata mbae reyapo vaerä chupe. Ërei eeka kërai omanoasɨ katu vaerä.”

1 CRÓNICAS 22:5

David jei ipɨa pe: “Cheraɨ Salomón ndei yae vɨteri, tupao omopüata cheYa pe vae ko tuicha yae vaerä jare jërakua yae vaerä opaete ɨvɨ rupi; jayave tayapo kavi opaete taeya chupe.” Jáeramo David jeta mbaembae oyapo kavi ndei omano mbove.

1 CRÓNICAS 29:1

Jaɨkue rupi mburuvicha guasu David jei opaete oyemboatɨ ñogüɨnoi vae pe: “Cheraɨ Salomón, Tumpa oiparavo vae taɨrusu yae vɨteri, javoi mbaravɨkɨ ko tuicha yae, echa jókuae o mbaetɨ ko kuimbae peguarä, yandeYa Tumpa peguarä ko.

2 CRÓNICAS 13:7

jare oñemoïru jae ndive kuimbae reta jembiapombae jare ipɨapochɨ vae, jae reta imbaepuere yae Roboam, Salomón taɨ güi, echa Roboam taɨrusu jare ipɨakɨɨye. Jare mbaetɨ ipuere oyeepɨ chugüi reta.

SALMOS 101:8

Ndeimbove ñavo opata amboai ɨvɨ güi iyoa vae reta, ¡opata amokañɨtei yandeYa jëta guasu güi ikavimbae iyapoa reta!

SALMOS 28:4

Eiporarauka chupe reta jembiapo oï rupi, jare jeko kavimbae oï rupi, eiporarauka chupe reta jae reta oyapo rami.

SALMOS 62:12

CheYa Tumpa mboroparareko ndembae ko, echa nde remboekoviata metei ñavo vae pe jembiapo oï rupi.

SALMOS 7:16

¡Mbaeyoa oyapogüe oiporarata! Iporogüɨrekoasɨ katu ko oyevɨta chupe.

SALMOS 75:10

Echa jae omokañɨta iyoa vae reta imbaepuere, ërei jupi vae reta pe oñemoïruta imbaepuere.

ÉXODO 21:12

Kia nunga vae oporombopere yave, jare omano yave jókuae ipere vae, tomano oporombopere vae.

PROVERBIOS 20:8

Mburuvicha guasu oguapɨ morojäa renda pe yave, imae rupiño oikuaa opaete ikavimbae.

PROVERBIOS 25:5

embosɨrɨ mburuvicha guasu güi iyoa vae, jayave jupi vae rupi oñemomɨ̈rata mborookuaía.

ISAÍAS 3:11

¡Paravete iyoa vae! Ngaraa ojo kavi, echa iyoa reta oï rupi jekoviata chupe.

ISAÍAS 7:4

jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

JEREMÍAS 38:5

Mburuvicha guasu Sedequías jei chupe reta: —Mase, pepo pe ko oï, che mbaetɨ chepuere mbae jae peve.

DANIEL 6:16

Jayave mburuvicha guasu omondo güeruruka Daniel oitɨ reta vaerä yaguapope reta jɨru pe yave, mburuvicha guasu jei Daniel pe: —¡NeTumpa, jókuae reyeokuai avei chupe vae tandereepɨ!

NÚMEROS 32:23

Ërei ngatu mbaetɨta ko jökorai peyapo yave, peyoa ko yandeYa kotɨ; jare agüɨye peakañɨ metei ara peiporarata ko peyoa re vae.

Romanos 13:4

echa mburuvicha reta oyeokuai ko ñogüɨnoi Tumpa pe ndemborɨ vaerä. Ërei reyapo ikavimbae vae yave, ekɨɨye. Echa Tumpa omee chupe reta mbaepuere oiporarauka vaerä. Jáeramo oyeokuai ñogüɨnoi Tumpa pe, oiporarauka vaerä ikavimbae oyapo vae reta pe.

2 Timoteo 4:14

Alejandro jiero pegua mbaravɨkɨ iyapoa, oyapo jeta ikavimbae vae cheve. YandeYa tomboepɨ chupe oyapogüe oï rupi.

JUECES 9:57

Jare Tumpa omee vi Siquem pegua reta omboepɨ vaerä iporoyuka. Jökorai Jotam iyepopeyu ou oyembopo, jae ko Jerobaal taɨ.