2 SAMUEL 3:10 - Biblia Guarani Tumpa Iñee

¹⁰ mbaetɨ yave apɨ̈ro mborookuaía Saúl iñemuña reta güi amee vaerä David ipo pe, oiko vaerä mburuvicha guasurä Israel re jare Judá re, Dan güive Beerseba pe!

2 SAMUEL 3:10 ပူးပေါင်းရင်းမြစ်များ

2 SAMUEL 17:11

Jayave, che romboarakuaata vae jae ko oñemoïru vaerä nde ndive opaete Israel iñemuña reta, Dan güive Beerseba kotɨgua reta vi, jare nde etei ekua ñeraro pe, jókuae jeta ɨvɨkuitï ɨ jembeɨ pe rami ñogüɨnoi vae reta jenonde.

2 SAMUEL 24:2

Jayave mburuvicha guasu oyókuai Joab, jae ko opaete vae sundaro reta itenondegua ete oï jae ndive vae, jei chupe: —Opa emboapɨ eguata Israel iñemuña reta iɨvɨ, Dan güive Beerseba kotɨ, eipapa opaete vae, aikuaa vaerä mbovɨ oime vae.

2 SAMUEL 3:11

Jare Is-boset mbaetɨ mbae jei Abner pe, echa okɨɨye chugüi.

2 SAMUEL 3:21

Jaɨkue rupi Abner jei David pe: —Jaema ajata, ajata amboatɨ vaerä opaete Israel iñemuña reta, ñogüɨnoi reta vaerä nde ndive, jökorai reï vaerä mburuvicha guasurä ndepɨa jemimbota rupi kavi. Jare David omboyupavo Abner, jare jae ojo ipɨakatu reve kavi.

1 REYES 4:25

Salomón oikove oiko ramboeve, Judá jare Israel pe yogüɨreko vae reta, jare Dan güive Beerseba pe, metei vae ñavo yogüɨreko pɨagüive iuva jembo igüɨ rupi jare iɨva igüɨ rupi.

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.

1 SAMUEL 28:17

Oyapo ko ndeve, omombeu ndeve cherupi vae, yandeYa oekɨ mborookuaía ndepo güi jare omee neïru pe, David pe,

1 SAMUEL 3:20

Jare opaete Israel iñemuña reta, Dan güive Beerseba kotɨ, oikuaa reta Samuel jae ko yandeYa iñeemombeúa jupi vae.