2 SAMUEL 24:5 - Biblia Guarani Tumpa Iñee

⁵ Oasa reta ɨ̈aka Jordán jare yogüɨraja oyembojeyupa reta Aroer pe arayevɨ kotɨ tëta oï ɨvɨtɨ päu ipe kavi pe vae pe, Gad jare Jazer re katu.

2 SAMUEL 24:5 ပူးပေါင်းရင်းမြစ်များ

2 SAMUEL 24:4

Ërei mburuvicha guasu iñee ipɨ̈rata yae, Joab jare ïru sundaro ruvicha reta jei tëi vae güi; jáeramo jae reta opa yogüɨraja mburuvicha guasu oïa güi oyapo vaerä yepapa Israel pe.

ISAÍAS 17:2

Oyemombo eteta opɨta, tëta guasu Aroer iyɨvɨrigua reta ndive, mɨmba ikaruaräño opɨtata, jokoropi oke retata, mbaetɨta kia oiämondo vae.

NÚMEROS 21:32

Jare Moisés omondo vi omae vaerä tëta Jazer re; opa opɨ̈ro reta jare opa omoë omombo amorreo reta joko pe yogüɨreko vae.

NÚMEROS 32:1

Rubén jare Gad iñemuña reta güɨnoi jeta yae mɨmba; oecha reta ɨvɨ Jazer jare Galaad, ikavi yae chupe reta mɨmba peguarä.

NÚMEROS 32:3

—Ɨvɨ Atarot, Dibón, Jazer, Nimra, Hesbón, Eleale, Sebam, Nebo jare Beón,

NÚMEROS 32:35

Atarot-sofán, Jazer, Jogbeha,

DEUTERONOMIO 2:36

Aroer güive, jae ko ɨ̈aka Arnón pegua iyɨ́vɨri, ojoi oväe Galaad pe mbaetɨ metei tëta ave oasayepe yandegüi, opaetei yandeYa Tumpa omee yandepo pe.

JOSUÉ 13:16

Jayave Rubén iñemuña reta iɨvɨ oyemboɨpɨ Aroer, ɨ̈aka Arnón jembeɨ pe oï vae güive, jare tëta guasu ɨvɨtɨ päu mbɨte pe oï vae jare opaete ɨvɨpe kavi Medeba kotɨ;

JOSUÉ 13:25

Gad iñemuña reta iɨvɨ jae ko Jazer, jare opaete tëta guasu reta Galaad pegua, Amón iñemuña reta iɨvɨ mbɨte güive tëta Aroer kotɨ, Rabá jóvai oï vae pe,

JOSUÉ 13:9

Aroer, ɨ̈aka Arnón jembeɨ pe oï vae güive, jare tëta guasu ɨvɨtɨ päu pe oï vae, jare opaete ɨvɨpe kavi Medeba güive Dibón kotɨ,

1 SAMUEL 30:28

Aroer pe, Sifmot pe, Estemoa pe,