2 SAMUEL 24:2 - Biblia Guarani Tumpa Iñee

² Jayave mburuvicha guasu oyókuai Joab, jae ko opaete vae sundaro reta itenondegua ete oï jae ndive vae, jei chupe: —Opa emboapɨ eguata Israel iñemuña reta iɨvɨ, Dan güive Beerseba kotɨ, eipapa opaete vae, aikuaa vaerä mbovɨ oime vae.

2 SAMUEL 24:2 ပူးပေါင်းရင်းမြစ်များ

GÉNESIS 21:14

Jayave Abraham opüa ndeimboveasɨ, jare omee Agar pe mbɨyape jare ɨ jɨru mɨmbapire pegua pe, oñono iyatiɨ re jare omee chupe kunumi raɨ jare omondo. Jare jae jopa oiko ñuu Beerseba rupi.

2 SAMUEL 17:11

Jayave, che romboarakuaata vae jae ko oñemoïru vaerä nde ndive opaete Israel iñemuña reta, Dan güive Beerseba kotɨgua reta vi, jare nde etei ekua ñeraro pe, jókuae jeta ɨvɨkuitï ɨ jembeɨ pe rami ñogüɨnoi vae reta jenonde.

2 SAMUEL 2:13

Jare Joab, Sarvia imembɨraɨe oë vi David isundaro reta ndive, jare oñoövaiti jae reta ndive Gabaón pe, metei ɨrɨru oïa pe. Jare oñeñono reta ɨrɨru jovaicho icho pe.

2 SAMUEL 20:23

Joab opɨta opaete sundaro reta Israel pegua juvicharä, Benaía, Joiada taɨ opɨta cereteo jare peleteo reta juvicharä.

2 SAMUEL 23:37

Selec Amón iñemuña pegua; Naharai, Beerot pegua; jae ko Joab, Sarvia imembɨraɨe iyeopiaka ovoɨ chupe vae;

2 SAMUEL 24:15

Jayave yandeYa ombou mbaerasɨ ovakatu vae Israel iñemuña reta re jókuae ndeimbove güive mboapɨ ara rupi; jare omano tëta pegua reta Dan güive Beerseba kotɨ, setenta mil kuimbae.

2 SAMUEL 3:10

mbaetɨ yave apɨ̈ro mborookuaía Saúl iñemuña reta güi amee vaerä David ipo pe, oiko vaerä mburuvicha guasurä Israel re jare Judá re, Dan güive Beerseba pe!

2 SAMUEL 8:16

Joab, Sarvia imembɨraɨe oiko opaete isundaro reta itenondegua eterä jare Josafat, Ahilud taɨ ko mburuvicha guasu pe ombaekuatía vae.

1 CRÓNICAS 21:2

Jayave David oyókuai Joab jare tëta pegua mburuvicha reta, jei: —Pekua peipapa Israel iñemuña reta Beerseba güive Dan pe, jare peru cheve aikuaa vaerä mbovɨ ra oime vae.

2 CRÓNICAS 32:31

Ërei Babilonia pegua mburuvicha reta ombou ñee jerajaa reta opou vaerä ípɨri yave jare oikuaa reta vaerä mɨakañɨ oasa jókuae ɨvɨ pe vae re yave, Tumpa omaeño Ezequías re, ojäa vaerä jare oikuaauka vaerä kërai ko ipɨa pe yemongeta güɨnoi vae.

PROVERBIOS 29:23

Kuimbae ipɨapochɨ vae, oñemomichiuka, ërei ñemomic hi rupi oiko vae, oyemboeteuka.

JEREMÍAS 17:5

YandeYa jei körai: “Tijeko jókuae ipɨa opia chegüi vae, kuimbae reta rei güɨrovia katu vae, oeka jare oyeko jese reta vae.

2 Corintios 12:7

Jáeramo, yandeYa oechauka cheve mbaembae tuichagüe vae rupi agüɨye vaerä oasa ete ayembotuicha, ou cheve metei yuu yanderete re oï vae rami vae, jae ko Satanás jembiokuai oiporarauka cheve vae.

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.