2 SAMUEL 24:17 - Biblia Guarani Tumpa Iñee

¹⁷ David oecha araɨgua oyuka tëta pegua reta oï yave, jei yandeYa pe: —¡Che ko cheyoa! ¡Che ko ayapo ikavimbae! ¿Mbae pa kuae jekombae reta oyapo? ¡Cheré jare chero pegua reta re eitɨ neporonupa!

2 SAMUEL 24:17 ပူးပေါင်းရင်းမြစ်များ

GÉNESIS 18:23

Abraham oya katu jese jare oparandu chupe: —¿Remboaita vi pa jupi vae, jeko vae ndive?

GÉNESIS 44:33

Jáeramo añave romoñera che tapɨta kuae kunumi jekovia pe nderembiokuairä, jare kuae kunumi tojo ye tɨkeɨ reta ndive.

2 SAMUEL 12:13

Jayave David jei Natán pe: —Cheyoa ko yandeYa kotɨ. Jare Natán jei David pe: —YandeYa iñɨ̈ro ndeve ndeyoa re, mbaetɨta remano.

2 SAMUEL 24:10

Ërei David opa güire oyapo kuae yepapa, ou jasɨ ipɨa pe kuae oyapogüe, jare oyemombeu Tumpa pe körai: —CheYa, cheyoa ko tuicha ayapo ramboeve kuae. Ërei romoñera añave neɨ̈ro vaerä cheve cheyoa re, echa ayapo ko iyarakuaambae rami.

2 SAMUEL 7:8

Jayave ere cherembiokuai David pe, che peYa imbaepuere yae ete vae jae körai chupe: ‘Che rogüeru mɨmba rókai güi jare mɨmba reta re reyangarekoa güi, reiko vaerä tëta Israel chembae vae juvicharä;

1 REYES 22:17

Jayave Micaías jei: “Aecha opaete Israel iñemuña reta oñemoai ɨvɨtɨ rupi, vecha reta iyangarekoambae rami. Jare yandeYa jei: ‘Kuae reta mbaetɨ iya; metei vae ñavo toyerova ye ipɨakatu reve jo kotɨ.’ ”

JOB 42:6

Jáeramo añemotareɨ, jare cheyemongeta aipoepɨ aguapɨ reve ɨvɨkúi jare tanimbu pe, chepɨatɨtɨ güi.

JOB 7:20

Cheyoa yave, ¿mbae ikavimbae pa ayapo ndeve, kuimbae reta iYangarekoa? ¿Maera pa cheñono mbae reyembokuaakatu jese vae rami? ¿Mbae pe pa romboavai?

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

SALMOS 44:11

Oremee vecha reta oyereraja mbaeyukaa pe rami; opa oremoai moai tëtaguasu reta rupi;

SALMOS 74:1

CheRu Tumpa, ¿maera pa oremombo jekuae avei pegua? ¿Maera pa ndearasɨ yae, ndevecha reta ndekapii jokɨ katúa rupigua kotɨ?

SALMOS 78:71

Vecha reta imembɨmii vae jaɨkue oguataa güi güeru, oyangareko vaerä tëta imbae vae re, Israel iñemuña reta re.

ÉXODO 10:16

Jayave Faraón jaɨai oenɨiuka Moisés jare Aarón, jare jei chupe reta: —Cheyoa peYa Tumpa kotɨ, jare pekotɨ.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

JONÁS 1:12

Jare jae jei chupe reta: —Chepɨɨ jare chemombo ɨguasu pe, jare ɨguasu kïriita peve; echa aikuaa chereko pegua ko ou kuae ama ɨvɨtuai reve vae peve.

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?