2 SAMUEL 23:5 - Biblia Guarani Tumpa Iñee

⁵ Jáeramo, cheñemuña reta täta ko ñogüɨnoi Tumpa re, echa jae oyapo ko che ndive morogüɨrökuavee päve jekuae avei pegua. Jupi rupi oyeapo jare oyembopo vaerä mbaembae. Jae ko omee aporomoamɨri, jare ombopo cheve opaete chepɨa jemimbota.

2 SAMUEL 23:5 ပူးပေါင်းရင်းမြစ်များ

GÉNESIS 9:16

Jökorai yɨɨ oyekuaa yave amapɨtu re, aechata jare chemaenduata morogüɨrökuavee päve jekuae avei pegua ayapo yandeve vae re, jare opaete oikove vae, ɨvɨ iárambo ñogüɨnoi vae reta ndive.

2 SAMUEL 12:10

Jáeramo añave, ngaraai osɨrɨ neñemuña reta güi ñeraro, chereröɨro jare rereko Het iñemuña Urías jembirekogüe jeko pegua.

2 SAMUEL 13:14

Ërei Amnón mbaetɨ oipota oyeapɨsaka jese, oipɨɨ oipotambae reve jare oasa jae ndive.

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

2 SAMUEL 18:14

Jare Joab jei chupe: —¿Maera pa ayoakaiñota aï nde ndive? Oipɨɨ güɨraja mboapɨ mii raɨ. Jare pɨpe oikutu Absalón ipɨa; Absalón oikoveño tëi oï ɨvɨra encina jakambɨ pe.

2 SAMUEL 7:12

Jare remano ma yave, che amopüata metei neñemuña güi jare amboguapɨta mburuvicharä.

2 SAMUEL 7:18

Jayave David oike yandeYa jóvai jare jei: “CheYa Tumpa, ¿mbae mbatee pa che jare cheñemuña reta, reyapo vaerä kuaekuae che ndive?

1 REYES 1:5

Adonías David taɨ, Haguit imembɨraɨe oñemopüa oñemoërakua reve jae oiko vaerä mburuvicha guasurä. Ogua iyeupe käretou reta ñeraro pegua, jare omboatɨ kavayu regua reta jare cincuenta kuimbae jenonde yogüɨreko vaerä.

1 REYES 11:38

Reyapo yave opaete che royókuai vae jare reyapo yave jupi vae cheróvai, reyapo yave mborookuai reta, cherembiokuai David oyapo rami, che aïta nde ndive jare ameeta oime avei vaerä mburuvicha guasu neñemuña reta güi, David pe ayapo rami, jare ameeta ndepo pe Israel.

1 REYES 12:14

jare imiari chupe reta, taɨrusu vae reta omboarakuaa rami, jei reve: Cheru ombojeiete yae ko peve iporookuai, ërei che jeieteta amoïru peve mborookuai. Cheru oiporarauka peve tɨmasa pe, ërei che aiporaraukata peve mbae jasɨ yae ete vae pe.

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 119:81

Chekangɨ yae ma aäro ndeporogüɨroasayepe, ¡ërei aäro neñee reño!

SALMOS 27:4

Metei mbae aiporu yandeYa pe, jaeño kuae aipota vae: Aï vaerä yandeYa itupao pe, opaete ara aikove aiko ramboeve, amae vaerä yandeYa ipöra re, amboete vaerä itupao pe.

SALMOS 62:2

Jaeño ko ita guasu cheñepɨ̈roa jare chereroasayepe vae, ngaraa agüɨapi, echa jae ko cheñepɨ̈roa.

SALMOS 89:3

Reyapo metei morogüɨrökuavee päve David ndive; reñererökuavee nderembiokuai reiparavo vae pe, rere:

ISAÍAS 11:1

Ɨvɨraɨpɨ rami vae Isaí güi oëta metei jokɨ, iyɨpɨasɨ güi jeñɨita.

ISAÍAS 27:6

Outa oväe metei ara Jacob iñemuña reta oyembojapo vaerä, Israel iñemuña reta jokɨ pɨau yeta jare ipotɨta, jare ia omotɨnɨeta opaete ɨvɨ.

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

ISAÍAS 54:10

Yepe ɨvɨtɨ guasu reta osɨrɨta jenda güi, ɨvɨtɨ reta opata osururu, ërei cheporoaɨu ngaraa oyepoepɨ ndegüi, cheporogüɨrökuavee mbɨakatu pegua ave ngaraa opa oyemboai.” Jei yandeYa, iporoparareko ndekotɨ vae.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

JEREMÍAS 32:40

Jare ayapota jae reta ndive morogüɨrökuavee päve opambae, kërai ayapo aveita ikavi vae chupe reta, jare añonota jae reta ipɨa pe oipoɨu vaerä, agüɨye vaerä osɨrɨ reta chegüi.

JEREMÍAS 33:21

jökorai ko mbaetɨ kia ipuere oipoepɨ cheporogüɨrökuavee päve cherembiokuai David ndive ayapo vae, oime avei vaerä taɨ oguapɨ jae iporookuaía pe, jare cheporogüɨrökuavee päve cherembiokuai levita reta jare sacerdote reta ndive vae.

EZEQUIEL 37:26

Jare morogüɨrökuavee päve yembopɨakatu pegua ayapota jae reta ndive, morogüɨrökuavee päve jekuae avei pegua. Añono kavita, ambojeta retata jare añonota chero mbaemboetea pegua ipɨte reta pe jekuae avei pegua.

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

Hechos 13:34

Tumpa omoingove ye omanogüe reta ipɨte güi, agüɨye vaerä jetegüe oikomegua. Jare kuae re jei: ‘Tamee ndeve mboroparareko jupigüe David pe jae amee vaerä vae.’

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Hebreos 6:19

Jókuae ñaäro ñaï yayerovia reve vae jae ko yandemborɨ agüɨye vaerä yapia Tumpa güi, oike asoya o imboyaoa japɨpe pe,

1 SAMUEL 2:35

Jare che aiparavota metei chesacerdoterä jupi rupi oiko vae, cheremimbota oyapo vae, ameeta chupe iñemuña oiko avei vaerä, jare oyeokuaita mburuvicha aiparavo vae jóvai ara ñavo.

1 SAMUEL 25:28

Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.