2 SAMUEL 23:4 - Biblia Guarani Tumpa Iñee

⁴ oikota tembipe ou köe yave vae rami, kuaraɨ jembipe oyekuaa ndeimbove yave, mbaetɨ amapɨtu yave rami. Ama omojeñɨi temitɨ ɨvɨ re vae rami.’

2 SAMUEL 23:4 ပူးပေါင်းရင်းမြစ်များ

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

SALMOS 72:6

¡Ama jare ɨsápɨi omoäkɨ ñana jare ɨvɨ rami toiko!

SALMOS 89:36

Añonota iñemuña reta oiko avei vaerä, iporookuaía oikota cheróvai kuaraɨ oiko avei vae rami.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 18:4

YandeYa jei cheve: “Che aïa güi amae pɨagüive aï jese reta, kuaraɨ jembipeasɨ ama opoo ramo yave rami, mbaarɨvo iara pe araku yave, oime amapɨtu okɨta vae rami.

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

ISAÍAS 60:1

Epüa Jerusalén, emboesape, echa oväe ma ndeve tembipe, yandeYa iyemboetea ou nderé.

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

OSEAS 6:5

Kuae jeko pegua opa pomboai ñeemombeúa reta rupi; cheñee rupi opa poyuka, cheporojäa outa peve tembipe oë ou rami.

MIQUEAS 5:7

Jacob iñemuña güi jembɨregüe reta yogüɨrekota ïru tëta guasu reta rupi; yandeYa ombou ɨsápɨi rami; ñana re ama oa rami, kuae reta mbaetɨ oäro kuimbae reta jemimbota.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Juan 1:7

Jae ou omombeu vaerä jókuae tembipe regua, opaete vae reta güɨrovia vaerä jei vae rupi.

DEUTERONOMIO 32:2

Oata ama rami cheporomboe, oata ɨsápɨi rami cheñemoñee, oata amandaɨvi rami kapii re, ani oata ɨ rami ñana re.

JUECES 5:31

¡Jökorai tokañɨtei opaete nderovaicho reta cheYa Tumpa, jare nderaɨu vae reta tijembipeasɨ, kuaraɨ jembipeasɨ rami!” Jókuae jaɨkue rupi oiko mbɨakatu jókuae ɨvɨ pe cuarenta año.