2 SAMUEL 23:18 - Biblia Guarani Tumpa Iñee

¹⁸ Abisai, Joab tɨvɨ, Sarvia imembɨraɨe jae ko jókuae treinta vae reta itenondegua. Jae oyuka imii pe metei ara tresciento filisteo reta. Jökorai jërakua yae vi jókuae mboapɨ vae reta ndive.

2 SAMUEL 23:18 ပူးပေါင်းရင်းမြစ်များ

2 SAMUEL 10:10

jare opaete ïru sundaro reta oeya tɨvɨ Abisai ipo pe, omboyupavo oñeraro reta vaerä Amón iñemuña reta ndive,

2 SAMUEL 10:14

Jare Amón iñemuña reta oecha Siriaɨgua reta otekuarai yave, jae reta opa vi otekuarai Abisai güi, opa yogüɨraja reta oñepɨ̈ro tëta guasu pe. Jayave Joab mbaetɨ ma oñeraro jae reta ndive, oyerova ye Jerusalén kotɨ.

2 SAMUEL 18:2

Javoi omondo mbɨte seri sundaro reta Joab jupíe, ïru mbɨte seri Abisai jupíe, jare ïru mbɨte seri Itai, Gat pegua jupíe. Jare jei opaete sundaro reta pe: —Che ajata vi ñeraroa pe perupíe.

2 SAMUEL 2:18

Jare ñogüɨnoi joko pe Joab, Abisai jare Asael, jae ko Sarvia imembɨraɨe reta. Jare Asael yepe iñäkua yae, guasu iñäkua kaa rupi osɨi vae rami,

2 SAMUEL 20:10

Amasa mbaetɨ oecha kɨsepuku Joab ipo pe güɨnoi vae; Joab oikutu jɨe pe, jare oyekuavo ichuri ɨvɨ pe, omano voi oa, mbaetɨ ye oyuka ete. Javoi Joab jare tɨvɨ Abisai oaɨkuemoña ye Seba, Bicri taɨ.

2 SAMUEL 23:19

Abisai jërakua yae jókuae treinta vae reta güi, opɨta jae reta juvicharä, ërei mbaetɨ omboyovake jókuae tenondegua mboapɨ vae reta.

2 SAMUEL 3:30

Jökorai Joab jare tɨvɨ Abisai oyuka reta Abner, echa Abner oyuka jae reta tɨvɨ Gabaón pe oñeraro reta yave.

1 CRÓNICAS 2:16

Kuae reta jeindɨ jae: Sarvia jare Abigail. Sarvia mboapɨ imembɨraɨe, jae ko: Abisai, Joab jare Asael.

ECLESIASTÉS 4:12

Jaeño vae, ipuere ko ñamɨri kia oporepeña jese yave, ërei mókoi ñogüɨnoi yave, ngaraa ñamɨri reta. Jökorai vi tɨmasa mboapɨ yoɨvɨ vae, ngaraa oso jarembae.