2 SAMUEL 23:16 - Biblia Guarani Tumpa Iñee

¹⁶ Jayave jókuae mboapɨ jëia vae reta oike filisteo reta jeyupa pe, jare güɨnoe reta ɨ jókuae ɨkua Belén jöke pe oï vae güi jare güeru reta David pe. Ërei jae mbaetɨ oipota jou, opɨyere mbotarä yandeYa pe, jei reve:

2 SAMUEL 23:16 ပူးပေါင်းရင်းမြစ်များ

GÉNESIS 35:14

Jare Jacob oipɨɨ ita omboyemboɨ omokañɨmaa vaerä, jare opɨyere jese vino jare olivo iasaite.

2 SAMUEL 23:9

Kuae jaɨkue rupi oï, Eleazar, ahohíta Dodo taɨ, jae ko jókuae mboapɨ jëia yae vae reta pegua vi. Kuae oï David ndive oñoraro vaerä filisteo reta kotɨ, Israel pegua reta opa oñemoäta jaɨkue kotɨ yave.

1 CRÓNICAS 11:18

Jayave jókuae mboapɨ jëia vae yogüɨraja filisteo reta jeyupa pe jare güɨnoe ɨ Belén jöke pe ɨkua oï vae güi güɨraja David pe. Ërei David mbaetɨ oipota jou, jaeño opɨyere yandeYa peguarä, jare jei:

ECLESIASTÉS 4:12

Jaeño vae, ipuere ko ñamɨri kia oporepeña jese yave, ërei mókoi ñogüɨnoi yave, ngaraa ñamɨri reta. Jökorai vi tɨmasa mboapɨ yoɨvɨ vae, ngaraa oso jarembae.

LAMENTACIONES 2:19

Epüa, esapúkai pɨ̈tu-ɨpɨ güive; nemiari opaete ndepɨa reve yandeYa pe; eupi ndepo ikotɨ jare eyerure chupe nemembɨ reta re, jovaruru ma tëta guasu ikaye rupi vae reta re.

NÚMEROS 28:7

Jare vino oyepɨyere vae metei litro vecha kuimbae taɨrusu vae ñavo ndive; toyepɨyere jókuae vino oyemboayasɨgüe o mbaemboetea pe yandeYa jóvai.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Romanos 5:7

Añetete, ngaraa ndipo kia oipota omano metei jupi vae jekovia pe. Ërei güɨramoi kia ikɨ̈reɨta omano metei ipɨakavi vae jekovia pe.

2 Corintios 5:14

Echa Cristo iporoaɨu oremokɨ̈reɨ yae, echa roikuaa kavi Cristo omano opaete re. Jáeramo opaete yande ñamano vi yandereko güi.

Filipenses 2:17

Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.