2 SAMUEL 23:10 - Biblia Guarani Tumpa Iñee

¹⁰ Ërei kuae Eleazar opüa oñeraro jare oyuka filisteo reta ipo ikangɨ regua, ipo täta (oyepokuaa) ikɨsepuku iɨ re. Jókuae ara yandeYa omee oporomoamɨri yae vaerä. Jare opaete vae reta yogüɨraja Eleazar jaɨkue omonoo güeru jovaicho reta güi mbaembae opɨ̈rogüe.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

Ërei Sama oñemopüa jókuae lentejarupa mbɨte pe jare oepɨ filisteo reta güi; jare omoamɨri filisteo reta. Jökorai jókuae ara yandeYa omee oporomoamɨri yae vaerä.

2 REYES 5:1

Mburuvicha guasu Siria pegua isundaro reta itenondegua ete ko Naamán, jae ko tuicha yae juvicha guasu jóvai vae, jare oaɨu yae, echa Naamán rupi yepe yandeYa güeru yeyora Siria peguarä. Kuae kuimbae yepe jëia yae, ërei ipire ókui imbaerasɨ.

1 CRÓNICAS 11:13

Jae oï David ndive Pasdamim pe filisteo reta oyemboatɨ oñeraro vaerä joko pe yave. Joko pe oime kó temitɨ cebada oï pɨpe vae, Israel iñemuña reta opa otekuarai yave filisteo reta güi,

SALMOS 108:13

Tumpa iporomborɨ rupi yayapota mbae tuichagüe; ¡jae ko omoamɨrita yanderovaicho reta!

SALMOS 144:10

Nde ko remee mburuvicha guasu reta oporomoamɨri vaerä, reepɨ ko nderembiokuai David, kɨsepuku ikavimbae vae güi.

SALMOS 68:12

“¡Otekuarai mburuvicha guasu reta jare isundaro reta!” Kuña reta o rupi opɨtagüe omboyao oyoupe mbae oñepɨ̈rogüe,

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

Romanos 15:18

Chemiarita Cristo oyapo che rupi vae reño. Kërai judiombae vae reta iñeereendu vaerä. Kuae ayapo chemiari jare ayapo reve;

2 Corintios 4:5

Ore roñemoñee yave, romombeu ko Jesucristo jae ko yandeYa vae; ore ko romae oreyé perembiokuai retaño, Jesús roaɨu ramo.

JOSUÉ 10:10

Jare yandeYa omongɨɨye yae Israel iñemuña reta güi, jökorai jeta yae oparapiti reta Gabaón pe, jare oporoaɨkuemoña reta Bet-horón kotɨ tape ojo vae rupi, jokoropi jekuae oyuka reta amorreo reta ojoi regua oväe Azeca jare Maceda pe.

JOSUÉ 10:42

Opaete kuae mburuvicha guasu reta, jare iɨvɨ reta Josué opɨ̈ro opaete voi, echa yandeYa Israel iTumpa oñeraro Israel iñemuña reta jekovia pe.

JOSUÉ 11:8

javoi yandeYa omee Israel iñemuña reta ipo pe, jare oyuka reta jare oaɨkuemoña reta güɨraja tëta guasu Sidón kotɨ, Misrefot-maim kotɨ, ɨvɨpe kavi Mizpa kotɨ, kuaraɨ oëa kotɨ jare oyuka reta oeyambae reve metei ave.

JUECES 15:14

Yogüeru oväe reta Lehi pe yave, filisteo reta oë chupe osapúkai reve oyerovia güi. Ërei yandeYa iespíritu ou jese, jare omondoo tɨmasa reta oyeokua pɨpe vae opa ókai rami;

JUECES 15:18

Jare Sansón oyaporai yae ma ɨuve ramo, oenɨi yandeYa jare jei chupe: “¿Remaeñota pa cheyuka ɨuve kuae itumpa-raanga pota vae reta ipɨte pe, remee güire aporomoamɨri?”

1 SAMUEL 11:13

Ërei Saúl jei chupe reta: —Kuae ara mbaetɨ eteita kia omano, echa kuae ara yandeYa ko güɨroasayepe Israel iñemuña reta, jovaicho reta güi.

1 SAMUEL 14:23

Jökorai jókuae ara yandeYa güɨroasayepe Israel iñemuña reta jovaicho reta güi, jare oñoraro reta ojoi oväe Bet-avén pe.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:53

Israel iñemuña reta opa ye ma oyerova oporoaɨkuemoñaa güi yave, oike reta filisteo reta jeyupa güi güɨnoe mbaembae.

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?