2 SAMUEL 22:43 - Biblia Guarani Tumpa Iñee

⁴³ ¡Ɨvɨkúi rami opa amongúi reta! ¡Tuyuapo tape rupigua rami apɨ̈ro jese reta!

2 SAMUEL 22:43 ပူးပေါင်းရင်းမြစ်များ

2 SAMUEL 7:9

jare aiko nde ndive opaete reoa rupi, jare amoamɨri ndeve opaete nderovaicho reta, amee ndeve nerërakua yae vaerä, kuae ɨvɨ pe amogüe kuimbae reta jërakua yae rami.

2 REYES 13:7

Echa jókuae kuimbae oporoepɨ vae ndei ou mbove, mburuvicha guasu Joacaz pe mbaetɨ ma jeta jembɨre sundaro, jaeño ma jembɨre chupe cincuenta kuimbae kavayu regua reta, payandepo käretou ñeraro pegua, jare diez mil kuimbae ɨvɨ rupigua, echa mburuvicha guasu Siria pegua opa oyuka, jare opa oeya ɨvɨkúi rami.

SALMOS 18:42

¡Amongúiasɨ reta ɨvɨkúi ɨvɨtu opa güɨroveve vae rami! ¡Apɨ̈ro jese reta, tape rupi tuyuapo re oñepɨ̈ro rami!

SALMOS 35:5

¡Toyogüɨreko reta, mbae javiyugüe opa ɨvɨtu güɨroveve rami, ndearaɨgua omoña reta yave!

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 26:15

CheYa, nde ko rembotuicha tëtaguasu, rembotuicha ko reyemboeteuka vaerä, rembotuicha kuae ɨvɨ jembeɨ.

ISAÍAS 41:2

¿Kia pa omopüa kuaraɨ oëa kotɨ metei mburuvicha guasu, oyapo vaerä che jae vae? ¿Kia pa opa oñono ipo pe tëtaguasu reta, jare mburuvicha guasu reta opa omomichi jóvai; ikɨsepuku pe jare juvɨ pe opa omboai jare omoai moai vaerä kapii rami?

ISAÍAS 41:25

Ɨvɨtuguasu kotɨ amopüa metei kuimbae, jare outa; kuaraɨ oëa kotɨ güi aenɨita. Opɨ̈rota mburuvicha reta re tuyuapo re rami, oñaeu-apo vae opɨ̈ro ñaeu re rami.

DANIEL 2:35

Jayave opa vi ikuruvi jiero, ñaeu oyɨgüe, jiero iyu vae, korepoti jare oro, jare opa okañɨ kuaraɨ guasu pe trigo oyembopiriri vae javiyugüe ave opaetei ɨvɨtu güɨroveve rami, mbaetɨ etei mbae ave opɨta chugüi rami. Ërei jókuae ita ou oa jese vae oyeapo metei ɨvɨtɨ guasurä, opaetei omotɨnɨe ɨvɨ.

MIQUEAS 7:10

Kuae oechata cherovaicho reta jare imarata opɨta reta; jeise reta cheve: “¿Ketɨ pa oime oï ndeYa Tumpa?” Ërei añave aecha retata opa oñepɨ̈ro jese tuyuapo re tape rupi rami.

ZACARÍAS 10:5

Sundaro jëia yae vae ramita ñeraro pe. Opɨ̈rota jovaicho reta re tuyuapo re rami. Oñoraro retata, echa yandeYa oïta jae reta ndive; jare kavayu regua reta oñemomaraiukata.

ZACARÍAS 2:6

YandeYa jei: “Che ko opa pomoai moai kerupi, petekuarai añave ɨvɨtuguasu kotɨ güi.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

DEUTERONOMIO 32:26

Ayemongeta ko mombɨrɨ rupi opa vaerä amoai moai, jare amboai ɨvɨ güi jee reta,