2 SAMUEL 22:42 - Biblia Guarani Tumpa Iñee

⁴² Osapúkai reta tëi, ërei mbaetɨ kia oepɨ; yandeYa ave oenɨi reta tëi, ërei mbaetɨ oendu chupe reta.

2 SAMUEL 22:42 ပူးပေါင်းရင်းမြစ်များ

JOB 27:9

¿Oenduta ra isapúkai Tumpa chupe, ou jese tembiporara guasu yave?

PROVERBIOS 1:28

Jókuae ara chereenɨita, ërei ngaraa aendu peve; chereeka tëita, ërei ngaraa cheväe chupe;

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 17:7

Jókuae ara kuimbae omaeta Iyapoa re, omaeta Iyoambae Israel pegua re.

ISAÍAS 17:8

Ngaraa ye ma omae mɨmba oyeyuka oyeapɨ jese vae reta oyapo iyeupe reta vae re. Ngaraa ye ma omae jembiapo reta re, ngaraa ye ma omae Asera iä reta re, ngaraa ye ma omae kuaraɨ iä reta re.

EZEQUIEL 20:3

“Nde kuimbae, nemiari Israel iñemuña itenondegua reta pe, ere chupe reta: ‘YandeYa Tumpa jei Körai: ¿Peyu pa peparandu cheve? Che jae cheyé aeño peve, ngaraa aendu peve.’

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.