2 SAMUEL 22:32 - Biblia Guarani Tumpa Iñee

³² ¿Oime ye pa ïru Tumpa, yandeYa güi? ¿Oime ye pa ïru Tumpa ipuere yandereepɨ vae?

2 SAMUEL 22:32 ပူးပေါင်းရင်းမြစ်များ

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

2 SAMUEL 7:22

jáeramo, nde cheYa Tumpa: ¡Tuichagüe yae ko nde! Echa mbaetɨ ko kia nde rami vae, jare mbaetɨ yé ïru Tumpa ndegüi, echa ore etei ko roendu jókuae.

ISAÍAS 44:6

YandeYa, Israel iñemuña reta juvicha guasu jare jeepɨa, yandeYa Imbaepuere yae ete vae, jei: “Che ko, oikoño mai vae; mbaetɨ yé ïru Tumpa chegüi.

ISAÍAS 44:8

Ërei, ¡agüɨye pekɨɨye, peñemoäta ngatu! Amombeu ko peve jókuae iyɨpɨ güive voi, pe reta ko, cheregua omombeu vae. ¿Oime pa ïru Tumpa chegüi? Mbaetɨ yé ko ïru Imbaepuere yae vae; mbaetɨ aikuaa metei ave.”

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

JEREMÍAS 10:16

Ërei ¡ambuaeyee ko chugüi reta Jacob iTumpa, opaete mbaembae iYapoa! Jae oiparavo imbaerä Israel. YandeYa Imbaepuere yae ete vae; jókuae jae ko jee.

DEUTERONOMIO 32:31

Echa jae reta jeepɨa ita guasu rami vae, mbaetɨ ko Ita guasu yandereepɨa rami, jae reta oikuaa kavi yae ko jókuae.

DEUTERONOMIO 32:39

Pemae añave, che ko jae Tumpa jae vaeño, mbaetɨ ïru tumpa chegüi, che amee tekove jare che aekɨ, che aporombopere jare che aporopoano; ¡mbaetɨ kia ipuere oporoepɨ chepo güi!

DEUTERONOMIO 4:35

Oyekuaa peve peikuaa vaerä yandeYa jae ko Tumpa, mbaetɨ yé ïru chugüi.

1 SAMUEL 2:2

¡Mbaetɨ kia iyoambae nde rami cheYa! ¡Echa mbaetɨ yé kia nde rami! ¡Jare mbaetɨ kia oporoepɨ nde oreTumpa rami!