2 SAMUEL 22:31 - Biblia Guarani Tumpa Iñee

³¹ Tumpa jembiapo jupi ko; yandeYa iñee ikɨambae ko. ¡Yeopiaka ko opaete güɨrovia jese vae pe!

2 SAMUEL 22:31 ပူးပေါင်းရင်းမြစ်များ

2 SAMUEL 22:3

cheTumpa, cheñepɨ̈roa, nderé tayeko cheyeopiaka, mbaepuere chereepɨ vae, añepɨ̈ro kavi yae nderé vae, chereroasayepe vae. ¡Chereroasayepe mbaesusere güi vae!

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

JOB 34:10

Jáeramo, pe yarakuaa katu vae reta, peyeapɨsaka cheré, ¡agüɨye peyemongeta Tumpa Imbaepuere yae ete vae kotɨ, oyapota ikavimbae vae ani jupimbae vae!

SALMOS 119:140

Neñee ikɨambae yae ko, jáeramo ko, che nderembiokuai aaɨu neñee.

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 18:30

Tumpa jembiapo ikavigüe yae ko, yandeYa iñee ikɨambae ko. ¡Yeopiaka ko opaete güɨrovia jese vae pe!

SALMOS 2:7

Che amoërakuata yandeYa jei vae; yandeYa jei cheve: “Cheraɨ ko nde; che ko romoñemuña añave.

SALMOS 35:2

Eipɨɨ yeopiaka tuicha vae, jare epüa chemborɨ;

SALMOS 84:9

CheRu Tumpa, oreyeopiaka, emae kavi nderembiparavo re.

SALMOS 91:4

Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

PROVERBIOS 30:5

Opaete Tumpa iñee, ikɨambae ko, jae ko yeopiaka, opaete jese güɨ rovia vae reta peguarä.

ECLESIASTÉS 3:14

Aikuaa vi opaete Tumpa oyapo vae oiko aveita ko. Jókuae ngaraa etei oñemoïru, ani oñepɨ̈ro chugüi, echa Tumpa ko oyapo jökorai; opaete vae güɨnoi vaerä mboromboete ikotɨño.

DANIEL 4:34

“Ërei ara reta oyepapa oï vae iyapɨ ma yave, che Nabucodonosor amae ara kotɨ, jare ou akuera ye vaerä; jayave amboete Tuichagüe yae ete vae, jare ambotuicha oikove avei vae körai: ‘Imbaepuere jare iporookuaía opambae vae.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.