2 SAMUEL 21:9 - Biblia Guarani Tumpa Iñee

⁹ jare mburuvicha guasu opa omee Gabaón pegua reta ipo pe, jare jae reta opa oyuvɨ ɨvɨtɨ pe yandeYa jóvai; jökorai opa omano jókuae chiu reta, mbaarɨvo cebada ipoo oyemboɨpɨmí ramo yave.

2 SAMUEL 21:9 ပူးပေါင်းရင်းမြစ်များ

2 SAMUEL 21:6

iñemuña reta güi emee oreve chiu, royuvɨ vaerä yandeYa jóvai Gabaa Saúl yandeYa jembiparavo jëta pe. Jare mburuvicha guasu jei: —Tamee peve.

2 SAMUEL 6:17

Jare güɨroike reta Tumpa ikäjou metei o guakapi pegua David oyapo chupeguarä vae pe. Jupiveiño David omee yandeYa pe mɨmba oyeyukagüe opaetei oyeapɨ vae jare mbota yembopɨakatu pegua.

2 SAMUEL 6:21

Jayave David jei chupe: —YandeYa jóvai ko apɨrae, jae ko cheparavo nderu güi jare ndero pegua reta güi aiko vaerä mburuvicharä Israel pe, tëta yandeYa imbae vae reta re. Jáeramo, apɨrae ñotai ko jae jóvai.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ÉXODO 9:31

Lino jare cebada opaetei oikomegua, echa cebada jäɨ tëi ma oï jare lino iɨ tëi ma oï.

ÉXODO 9:32

Ërei trigo jare centeno mbaetɨ opa oikomegua, echa jeñɨi raivimbae reta ko.

NÚMEROS 25:4

jare jei Moisés pe: —Emboatɨ opaete mburuvicha reta tëta pegua, jare eyuvɨ cheróvai ara pe etei mburuvicha itumpa-raanga pota vae reta, jayave chearasɨ poita ikotɨ reta.

DEUTERONOMIO 21:22

Kia nunga vae omano yave teko pɨ̈chɨi yae oyapo vae jeko pegua, pembosagüɨu yave ɨvɨra re,

RUT 1:22

Körai Noemí oyerova ye ɨvɨ Moab güi imembɨtatɨgüe Rut ndive; jare yogüeru oväe Belén pe, cebada oyemboɨpɨ ma oyepoo yave.

1 SAMUEL 15:33

Jare Samuel jei: —Ndekɨsepuku pe reeya jeta kuña reta imembɨmbae, jökoraita opɨta ndesɨ imembɨmbae ïru reta ipɨte pe. Jayave Samuel opa oyasɨa sɨa Agag yandeYa jóvai Gilgal pe.