2 SAMUEL 21:17 - Biblia Guarani Tumpa Iñee

¹⁷ Ërei Abisai, Sarvia imembɨraɨe ou omborɨ, ombopere jare oyuka jókuae filisteo. Jayave isundaro reta jeiuka chupe Tumpa jee re mbaetɨ yeta ma oë jae reta ndive ñeraroa pe vae, agüɨye vaerä ogüe rami Israel pe jërakua yae vae.

2 SAMUEL 21:17 ပူးပေါင်းရင်းမြစ်များ

2 SAMUEL 14:7

Jare añave opaete cherëtara reta oñemopüa chekotɨ jare jei reta cheve amee vaerä chupe reta jókuae oyuka tɨvɨ vae, oyepɨ reta vaerä jókuae omano vae regua, jökorai oyuka retata mbaembae iyarägüe vae, jaevaeño cheve vae, omokañɨtei retata cheme iñemuña.

2 SAMUEL 18:2

Javoi omondo mbɨte seri sundaro reta Joab jupíe, ïru mbɨte seri Abisai jupíe, jare ïru mbɨte seri Itai, Gat pegua jupíe. Jare jei opaete sundaro reta pe: —Che ajata vi ñeraroa pe perupíe.

2 SAMUEL 18:3

Ërei isundaro reta jei chupe: —Agüɨye jökorai oreruvicha, echa tovaicho reta pe mbaeä etei ko ore rotekuarai yave, ani oregüi omano yave mbɨte rupi; ërei nde ko ndereepɨ yae diez mil sundaro reta rami. Jáeramo, ikavi ko repɨta kuae tëta guasu peño, kuae güi remondo vaerä yemborɨ oreve.

2 SAMUEL 22:19

Jasɨ katu aiko yave, oñemopüa reta cheré, ërei yandeYa chemborɨ:

2 SAMUEL 22:29

CheYa, nde ko jae remboesape cheve vae; nde cheTumpa remboesape cheve pɨtumimbi.

1 REYES 11:36

Jare Salomón taɨ pe ameeta metei ñemuña, cherembiokuai David iñemuña reta güi oime avei vaerä mburuvicha, oiko vaerä tembipe rami opaete ara rupi cheróvai Jerusalén pe, tëta guasu che aiparavo vae, pɨpe añono vaerä cheree.

1 REYES 15:4

Ërei David re ipɨakatu ramo iYa Tumpa, omee chupe oime avei vaerä iñemuña güi mburuvicha Jerusalén pe, oiko vaerä tembipe rami opaete ara rupi, oguapɨ ramboeve taɨ jekovia pe, omomɨ̈rata vaerä Jerusalén.

SALMOS 132:17

Joko pe amboyepotata David imbaepuere, amee ma cherembiparavo pe oiko vaerä tembipe rami.

SALMOS 144:10

Nde ko remee mburuvicha guasu reta oporomoamɨri vaerä, reepɨ ko nderembiokuai David, kɨsepuku ikavimbae vae güi.

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

JEREMÍAS 40:15

Jayave Johanán, Carea taɨ jei vɨari Gedalías pe Mizpa pe: —Emaeño che taja tayuka Ismael, Netanías taɨ, mbaetɨ eteita kia oikuaa. ¿Maera pa ñamaeñota kia ndeyuka? Echa jökorai yave opata oñemoai kuae Judáɨgua reta yogüeru ndekotɨ vae, jare opata okañɨtei.

San Juan 5:35

Juan kó jae metei mechero jendɨ jare omoembipe vae rami. Jare pe reta michi pegua yae peyerovia katu jese.