2 SAMUEL 21:16 - Biblia Guarani Tumpa Iñee

¹⁶ javoi metei kuimbae ipuku yae vae oipota tëi oyuka; jókuae kuimbae ipuku yae vae jee Isbi-benob; imii jiero iyu vae pegua oasa treinta kilo ipoɨ, jare güɨreko vi ikúa re kɨsepuku ipɨau vae.

2 SAMUEL 21:16 ပူးပေါင်းရင်းမြစ်များ

GÉNESIS 14:5

Catorce añoa re ou mburuvicha Quedorlaomer jare opaete ïru mburuvicha reta omborɨ katu vae. Yogüeru reta ɨvɨ Astarot Karnaim jee vae kotɨ, jare joko pe omoamɨri Refaim pegua reta, jare Ham pe omoamɨri zuzita reta, Save-quiriataim pe omoamɨri reta emita reta;

GÉNESIS 6:4

Jókuae ara rupi oime kuimbae ipuku yae vae, jare vi Tumpa taɨ reta güɨreko güive kuimbae reta tayɨ, omomembɨ reta. Kuae reta ko jae imbaepuere yae vae, jókuae ara güive kuae kuimbae reta jërakua yae mbaepuere pe.

2 SAMUEL 21:18

Oime ye ïru ñeraro filisteo reta ndive Gob pe. Jayave Sibecai husatita oyuka Saf; kuae jae ko kuimbae puku vae reta iñemuñagüe.

2 SAMUEL 21:20

Jaɨkue rupi oime ye ñeraro Gat pe. Joko pe oiko metei kuimbae ipuku yae vae, doce ipɨ̈sa jare doce vi ipoäka; opaete reve veinticuatro; kuae jae vi kuimbae puku vae reta iñemuñagüe,

2 SAMUEL 21:22

Kuae irundɨ jae ko Gat pegua kuimbae puku yae vae reta iñemuñagüe, ërei opa oyeyukauka reta David pe jare isundaro reta pe.

2 SAMUEL 5:18

Yogüeru filisteo reta jare opa oñemoai ñogüɨnoi ɨvɨtɨ päu ipe kavi vae Refaim rupi.

NÚMEROS 13:22

Omboɨpɨ oike reta Neguev rupi, yogüɨraja oväe Hebrón pe; joko pe yogüɨreko Ahimán, Sesai jare Talmai, Anac iñemuña reta. Tëta Hebrón yepe oyeapo chiu año ndei oiko mbove tëta Zoán Egipto pegua.

NÚMEROS 13:28

Ërei ngatu jókuae ɨvɨ pegua reta imbaepuere yae vae ko, tëta tuichagüe ko jare oñekëse kavi yae vae reta ko; jare roecha vi joko pe Anac iñemuña reta.

DEUTERONOMIO 1:28

Jare añave, ¿ketɨ pa yajata? Ñanerëtara reta omombeu kavi ma oechagüe, jei reta: Tëta tuicha yae jare imbaepuere yae vae ko, jare ikësea reta ɨvategüe, roecha vi Anac iñemuña reta. Opaete kuaekuae roendu yave oreiämondo yae.’

DEUTERONOMIO 2:10

(Tenonde yave emita reta yogüɨrekose joko pe, jae ko jeta yae vae reta, jare puku Anac iñemuña reta rami.

DEUTERONOMIO 2:11

Puku reta jeko pegua ïru vae reta omoëtara Anac iñemuña reta re, ërei Moab iñemuña reta ombojee emita.

DEUTERONOMIO 2:21

tuichagüe jare jeta yae vae kuae reta, puku yae reta Anac iñemuña reta rami, ërei yandeYa opa omokañɨtei Amón iñemuña reta rupi, jare jae reta yogüɨreko jëtagüe pe.

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

DEUTERONOMIO 9:2

kuimbae jëiagüe jare pukugüe, Anac iñemuña reta ko, pe peikuaa jesegua reta vae, jare peendu jei: ‘¿Kia pa ipɨ̈ratata oyemboɨ Anac taɨ reta jóvai?’

JOSUÉ 11:22

Metei ave Anac iñemuña reta mbaetɨ opɨta Israel iñemuña reta iɨvɨ pe; jaeño opɨta reta Gaza pe, Gat pe jare Asdod pe.

JOSUÉ 15:14

Caleb güɨnoe omombo joko güi mboapɨ Anac iñemuña reta: Sesai, Ahimán jare Talmai.

1 SAMUEL 17:7

Imii iɨ ipoguasugüe, tɨruɨta ipoguasu rami, jare jókuae imii itï regua jiero güɨnoi ova kilo oasa mí; jare iyeopiaka ivoɨa oiko jenonde.