2 SAMUEL 20:2 - Biblia Guarani Tumpa Iñee

² Jökorai opaete kuimbae reta Israel pegua oeya David, jare oyemboya reta Seba, Bicri taɨ re. Ërei opaete Judá pegua reta mbaetɨ oyembosɨrɨ mburuvicha guasu David güi, jae ko Jordán güive Jerusalén kotɨ.

2 SAMUEL 20:2 ပူးပေါင်းရင်းမြစ်များ

2 SAMUEL 19:15

Jayave mburuvicha guasu oyerova ye, ou oväe ɨ̈aka Jordán pe. Jare opaete Judá pegua reta yogüɨraja Gilgal pe oövaiti jare güɨroasa vaerä mburuvicha guasu ɨ̈aka Jordán.

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

2 SAMUEL 20:21

Mbaetɨ ko jökorai. Oime metei kuimbae Efraín iñemuña reta güi oñemopüa mburuvicha guasu David kotɨ vae, jee Seba, jae ko Bicri taɨ. Emee jókuae kuimbae cheve, jare ajata kuae tëta güi. Jayave jókuae kuña jei Joab pe: —Romombota iñäkagüe ndeve, kuae tëta ikësea güi.

2 SAMUEL 20:3

Jare David ojo ye ma oväe jo pe Jerusalén pe yave, opa oyokenda metei o pe jókuae payandepo kuña güɨrekoiño vae reta, oeya oyangareko vaerä jo re vae reta; joko peño omeeuka tembíu chupe reta; ërei mbaetɨ ye oasa jae reta ndive. Jökorai oyokenda reta, güɨreko reta imemano vae rami, opa regua omano reta.

1 REYES 12:20

Jare opaete Israel iñemuña reta oikuaa Jeroboam ou ye ma yave, omondo reta oenɨiuka ipɨte pe, jare oñono mburuvicha guasurä opaete Israel iñemuña reta re, opɨtambae reve metei ave ñemuña David iñemuña reta ndive, jaeño Judá iñemuña reta.

2 CRÓNICAS 10:17

Ërei Roboam oï mburuvicha guasurä Israel iñemuña reta re, tëta guasu reta Judá pegua pe yogüɨreko vae reta re.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

PROVERBIOS 17:14

Oporomoñorarouka vae, ɨ̈aka güi ɨ oyepɨyere rami ko; ndei ñañererokomegua pɨpe mbove, yayembosɨrɨ chugüi.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.