2 SAMUEL 20:13 - Biblia Guarani Tumpa Iñee

¹³ Jare ombosɨrɨ tape güi yave, opa oasa Joab jupiegua reta, oaɨkuemoña reta vaerä Seba, Bicri taɨ.

2 SAMUEL 20:13 ပူးပေါင်းရင်းမြစ်များ

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

2 SAMUEL 20:11

Jayave metei Joab isundaro oyemboɨ Amasa jetegüe iyɨpɨ pe jei reve: —¡Joab jare David ndive ñogüɨnoi vae, tojo Joab jupíe!

2 SAMUEL 20:14

Seba oasa opaete Israel iñemuña ñavo ñogüɨnoia rupi, ojoi oväe tëta Abel-bet-maaca pe, jare opaete Barim rupi; jare Barim pegua reta oyemboatɨ jare yogüɨraja jupíe reta.

2 REYES 18:17

Ërei jeseve mburuvicha guasu Asiria pegua ombou mburuvicha guasu Ezequías kotɨ Tartán, Rabsaris, Rabsaces, jetagüe sundaro ndive Laquis güi Jerusalén kotɨ, oïraro reta vaerä. Yogüeru oyembojeyupa ɨ rape ɨrɨru iyɨ́vɨri ɨvategua pe, tape ojo Mbaeputuka renda rupía pe.

PROVERBIOS 16:17

Jupi vae reta jeko, jae ko osɨrɨ vaerä ikavimbae güi; oyangareko jeko re vae, jekove re ko oyangareko.

ISAÍAS 36:2

Jare tëta Laquis güi mburuvicha guasu Asiria pegua ombou isundaro ruvicha Rabsaces jetagüe sundaro reta ndive, oporepeña vaerä Ezequías re, Jerusalén pe; oyembojeyupa reta ɨrɨru ɨvate kotɨgua kotɨ ɨ ou vae jape iyɨ́vɨri, Mbaeputuka renda kotɨ tape ojo vae rupi.

ISAÍAS 62:10

Peasa, peasa öke reta rupi, peipea tape chembae vae reta peguarä. Peñono kavi tape oyeguata jupi vae, pembosɨrɨ tape güi ita reta, peupi bandera, oecha vaerä opaete vae tëtaguasu reta.

ISAÍAS 7:3

Jayave yandeYa jei Isaías pe: “Ekua, nde jare nderaɨ Sear-jasub ndive peövaiti mburuvicha guasu Acaz, sekia ɨrɨru tuicha vae kotɨ ojo vae iyapɨ kotɨ, tape ojo Mbaeputuka renda kotɨ vae pe,

JEREMÍAS 31:21

Israel, emokañɨmaa tape yavaimbae reve reväe ye vaerä. ¡Israel, emae kavi jese, eyerova ye jokoropi; eyerova ye nerëta guasu reta kotɨ!

NÚMEROS 20:19

Israel iñemuña reta jei chupe: —Tape guasu rupiño rojota; jare ndeɨ rou yave, ani orerɨmba reta jou yave, romboepɨta ndeve. Ore roipota vae, jaeño ko roasa vaerä ndeɨvɨ rupi, mbaetɨ ye mbae.

San Marcos 10:46

Jayave yogüɨraja tëta guasu Jericó pe. Jare Jesús oë ye ojo Jericó güi jemimboe reta jare jeta vae reta ndive yave, jesambae vae Bartimeo, Timeo taɨ oguapɨ oyerure oï mbae re tape jembeɨ pe.

JUECES 21:19

Ërei ngatu oime año ñavo arete tuicha vae oyeapo Silo pe yandeYa peguarä, jae ko Bet-el güi ɨvɨtuguasu kotɨ tape Bet-el güi ojo Siquem kotɨ vae güi kuaraɨ oëa kotɨ, Lebona güi arayevɨ kotɨ.”

1 SAMUEL 6:12

Jare jókuae guaka reta yogüɨraja tape rupi Bet-semes kotɨ ojo vae rupi, oñee yogüɨraja tape rupi, jare mbaetɨ opia reta ketɨ ave, jare filisteo juvicha reta yogüɨraja jaɨkue oväe Bet-semes jembeɨ pe.