2 SAMUEL 20:1 - Biblia Guarani Tumpa Iñee

¹ Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

2 SAMUEL 20:1 ပူးပေါင်းရင်းမြစ်များ

GÉNESIS 46:21

Benjamín taɨ reta jae ko: Bela, Bequer, Asbel, Gera, Naamán, Ehi, Ros, Mupim, Hupim jare Ard.

2 SAMUEL 15:10

Jayave Absalón omondo ñee jerajaa reta opaete Israel iñemuña reta pe jei reve: “Peendu mimbɨguasu oñee yave, pemoërakua Absalón oyeparavo ko mburuvicha guasurä Hebrón pe vae.”

2 SAMUEL 16:11

Jayave David jei Abisai jare opaete isundaro ruvicha reta pe: —Mase, cheraɨ chegüi oë vae viña pa chemomburu oiko, ¡vɨtei pa kuae Benjamín iñemuña pegua! ¡Pemaeño tei cheve ñee jasɨ katu vae, güɨramoi yandeYa ko oyókuai!

2 SAMUEL 16:7

Simei jei ñee jasɨ katu vae ikotɨ, körai: —¡Ekua kuae güi kuimbae iporoyukase vae jare jeko kavimbae vae!

2 SAMUEL 18:17

Javoi oipɨɨ reta Absalón jetegüe jare oitɨ reta metei ɨvɨkua guasu jókuae kaa pe oï vae pe, jare iárambo omboatɨ reta jeta ita. Opaete Israel pegua reta otekuarai jo ñavo kotɨ.

2 SAMUEL 20:2

Jökorai opaete kuimbae reta Israel pegua oeya David, jare oyemboya reta Seba, Bicri taɨ re. Ërei opaete Judá pegua reta mbaetɨ oyembosɨrɨ mburuvicha guasu David güi, jae ko Jordán güive Jerusalén kotɨ.

2 SAMUEL 20:22

Jayave jókuae kuña iyarakuaa katu yae ojo imiari ipoki rupi opaete vae ndive; oyasɨa reta Seba, Bicri taɨ iñäka, jare omombo reta Joab pe. Jayave Joab omoñeeuka mimbɨguasu, jare opa yogüɨraja reta jókuae tëta guasu güi jo ae ae kotɨ. Joab ojo ye mburuvicha guasu pɨri Jerusalén pe.

2 SAMUEL 23:6

Ërei opaete iTumpa potambae reta ñurati oyeasɨagüe ramita, mbaetɨ kia oipota opoko kuae ñurati re.

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

1 REYES 21:10

Javoi peñono jóvai mókoi kuimbae ipɨapochɨ vae yapu reve oporomboeko vae, imiari reta vaerä ikotɨ, jei reve: ‘Nde rere ñee ikavimbae Tumpa kotɨ jare mburuvicha guasu kotɨ.’ Javoi penoe ikatu pe peyapi ita pe, jökorai tomano.”

2 CRÓNICAS 10:16

Jare opaete Israel iñemuña reta oecha yave mburuvicha guasu mbaetɨ oendu jae reta jei vae, jei reta körai mburuvicha guasu pe: “¡Mbaetɨ etei ko mbae rogüɨnoi David re! ¡Mbaetɨ etei mbae ave rogüɨnoi Isaí taɨ re! ¡Metei ñavo Israel iñemuña reta pekua pero ae ae kotɨ! ¡David iñemuña reta toyangareko iyé aeño!” Jökorai yogüɨraja Israel iñemuña reta jo ñavo rupi.

2 CRÓNICAS 10:6

Jayave mburuvicha guasu Roboam oparandu tenondegua reta pe tu Salomón iyɨvɨriguagüe reta pe. Jare jei: —¿Mbae pa pere pe reta, jae vaerä kuae jeta vae reta pe?

SALMOS 17:13

Epüa cheYa Tumpa, ¡eë eñoraro jae reta ndive, emoamɨri reta! Chereepɨ jeko kavimbae reta güi ndekɨsepuku pe,

SALMOS 34:19

Jupi vae, jeta yae ko iyemoambeko reta, ërei ngatu opaete kuae reta güi yandeYa oepɨ.

PROVERBIOS 25:8

Agüɨye eñeapo voi voi, agüɨye vaerä reñemomaraiuka nderapicha ndembojopa ma yave.

PROVERBIOS 26:21

Tatasɨgüe oï jendɨ vaerä, yepea oï tata oyeapo vaerä, jare kuimbae iyarasɨ rai vae, ñeraro oyapo vaerä.

San Marcos 3:24

Metei mborookuaía pegua reta oyovaicho oyoupii yave, oyemboaita ko.

San Lucas 19:14

Ërei jëtaɨgua reta omotareɨ jókuae mburuvicha, jare omondo reta jaɨkue jei reta vaerä: ‘Mbaetɨ roipota kuae kuimbae oiko vaerä oreruvicha guasurä.’

San Lucas 19:27

Ërei peru kuae pe cherovaicho reta, jókuae mbaetɨ oipota juvicharä aiko vae reta. Peñäka-sɨa cheróvai.’ ”

San Juan 13:8

Pedro jei chupe: —Ngaraa etei amaeño reyoe vaerä chepɨ. Jesús jei chupe: —Mbaetɨ ayoe ndepɨ yave, nde mbaetɨ ko reï che ndive.

DEUTERONOMIO 13:13

kuimbae reta güɨröɨro Tumpa jare opa ombojopa tëtaɨgua reta, omoñera reve omboete vaerä tumpa ambuae, pe peikuaambae vae,

JUECES 19:22

Ërei ovɨakatu yae ma ñogüɨnoi yave, mbovɨ kuimbae jeko ikavimbae jókuae tëta pegua reta oimama o, jare omboɨpɨ okua reta öke re, jare jei reta jókuae ndechi o iya pe: —¡Enoe kuimbae ndembouparä renoi vae! ¡Orekɨ̈reɨ mbae royapo chupe!

JUECES 3:27

Ojo oväe Israel iñemuña reta iɨvɨ pe yave, omoñee mimbɨ guakaräti ɨvɨtɨ Efraín pegua re oenɨi vaerä Israel iñemuña reta, jare opaete vae ogüeyɨ ɨvɨtɨ güi Aod jupíe jare jae ojo tenonde chupe reta.

RUT 2:3

Jayave ojo, jare ojo ma oväe yave omboɨpɨ oyevɨka ombaepoo vae reta jaɨkue; jare jókuae kó iya yepe jae Booz, Elimelec amɨri jëtara.

1 SAMUEL 13:2

oiparavo tres mil kuimbae Israel iñemuña reta, kuae reta güi dos mil ñogüɨnoi Saúl ndive Micmas pe jare Bet-el iɨvɨtɨ re, jare mil ñogüɨnoi Jonatán ndive Gabaa pe Benjamín iñemuña reta iɨvɨ pe; jare opaete vae jembɨregüe reta omondo jëta jëta ae kotɨ.

1 SAMUEL 2:12

Elí taɨ reta ko iyoa, jare mbaetɨ oipoɨu reta yandeYa güi.

1 SAMUEL 30:22

Ërei David ndive yogüɨraja ñeraroa pe vae reta ipɨte pe oime jeko kavimbae ipɨapochɨ vae; kuae reta jei agüɨye vaerä oñemee mbae kuae kuimbae reta pe, jaeño ma jembireko reta pe jare taɨ reta pe, jare opa mbae oñepɨ̈rogüe oñemee chupe reta yave opa vaerä yogüɨraja.